ЯҢАЛЫКЛАР
Бүген ТР Төзелеш, архитектура һәм торак-коммуналь хуҗалык министры Марат Айзатуллин торак-коммуналь комплекс оешмаларының ягулык-энергетика ресурслары өчен бурычлары һәм җылы бирү чоры барышы турында хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Мәктәп беренче укучыларын – 1-4-нче сыйныфларны кабул итте.
Гомумйорт исәпкә алу приборлары куелган күпфатирлы йортларда җылылык энергиясе өчен түләү акчаларын экономияләү күп очракта йортта яшәүчеләрнең үзләренә бәйле. 2021 елның гыйнварында Яр Чаллыда салкыннар аркасында җылылык энергиясен куллану күләмнәренең 2020 елның гыйнварына карата 22% ка артуы ачыкланган. Яр Чаллыда 2021 елның гыйнварында уртача тәүлеклек температура -11,8 °C тәшкил итте, бу 2020 елның шул ук чоры белән чагыштырганда 6,9°C га салкынрак. «Газпром межрегионгаз» компаниясе мәгълүматларына караганда, Татарстанда 2020-2021 елның кышкы айларында газ сату түбән температуралар аркасында шактый арткан. Әйтик, 2020 елның декабрендә республикада газның гомуми чыгымы 1,94 млрд кубометр тәшкил иткән, бу 2019 елның декабренә карата 12% ка үсеш. 2021 елның гыйнварында Татарстанда газ чыгымы 1,95 млрд кубометрга кадәр арткан, 2020 елга карата 17% ка үсеш. Энергоресурсларның чыгымнары арту җылылык өчен счетларда чагылыш тапмый. «Шуны да билгеләп үтәргә кирәк, җылылык өчен түләүләрне исәпләү гомумйорт исәпкә алу приборлары белән теркәлгән җылылык энергиясен фактта куллану буенча башкарыла. Яр Чаллы шәһәре буенча җылылык энергиясен исәпкә алу буенча гомумйорт приборлары белән тәэмин ителеш — 99,9%, һава торышын җайга салу төеннәре — 99% тәшкил итә.
«Салават күпере» торак комплексында 260 урынлык ике балалар бакчасы ачылды. Аларның берсенең юнәлеше - бионика өлкәсендә балаларның социаль тәҗрибәсен үстерү, ә икенче балалар бакчасында һәр баланың спорт потенциалын үстерүгә басым ясалачак. Мәктәпкәчә учреждениеләрдә 1,5 яшьтән 3 яшькә кадәрге балалар өчен ясле төркемнәре бар.
Татарстан Республикасында 2021 елда кимендә 2 млн 670 мең кв. метр торак төзү бурычы тора. Якынча 10%ын, ягъни бу күләмнең 280 мең кв. метрын социаль ипотека тәшкил итә. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Мараи Айзатуллин хәбәр итте.
Республика, республиканың Төзелеш министрлыгы башлыгының беренче урынбасары сүзләренә караганда, Рәссәйнең башка субъектлары белән чагыштырганда, лидерлыкта. Татарстанда түләү дисциплинасы, халыкның икътисади кыенлыкларына карамастан, 98% тәшкил итә. Бу хакта «Татар-информ» мәгълүмат агентлыгында узган матбугат конференциясендә ТР Төзелеш, архитектура һәм ТКХ министрының беренче урынбасары Алексей Фролов сөйләде. «Бездә түләү дисциплинасы, Рәссәйнең башка субъектлары белән чагыштырганда, тиешле дәрәҗәдә. Җыем 98% тәшкил итә», - дип белдерде ул. Татарстан Республикасы Төзелеш, архитектура һәм торак-коммуналь хуҗалык министрының беренче урынбасары билгеләп үткәнчә, ведомство ай саен республика Президентына халык һәм идарәче компанияләр тарафыннан энергия ресурсларын куллану һәм түләү турында мәгълүмат җиткерә.
Бүген «Татарстан» ДТРК радиотыңлаучылары белән ТР Төзелеш, архитектура һәм торак-коммуналь хуҗалык министры урынбасары Илшат Гыймаев аралашты.
Бүген Татарстан Республикасы Президенты Рөстәм Миңнеханов Казанның тарихи җирлекләрендә шәһәр төзелеше эшчәнлеге мәсьәләләре буенча ведомствоара комиссия утырышын уздырды. Чара Татарстан Республикасы Хөкүмәте Йортында узды.
ТР Төзелеш министрлыгы башлыгы төзелеш эшләренең югары сыйфатлы булуын тәэмин итүнең мөһимлеген ассызыклады. Беренче булып Казан дәүләт энергетика университетының яңа студентлар тулай торагының төзелеш мәйданы булды. Югары уку йорты ректоры Эдвард Абдуллаҗанов һәм генераль подрядчы белән бергә министр яңа 21 катлы бина бүлмәләрен карап чыкты, подрядчылар белән объектта агымдагы вәзгыять турында сөйләште, шулай ук төзелеш барышын бәяләде. Марат Айзатуллинга хәбәр иткәнчә, бүгенге көндә вентиляция, канализация, җылыту, электр белән тәэмин итү системаларын, асылмалы фасад һәм җылыту системасын монтажлау эшләре бара, бүлгәләрне кирпеч белән салу тәмамланып килә. Эдвард Абдуллаҗанов, ТР Президенты Рөстәм Миңнеханов ярдәме белән объектны 2017 елда федераль максатчан программага кертүгә ирештек, дип сөйләде. Тулай торак төзелеше 2019 елда башланды. Марат Айзатуллин караган икенче объект - А.Н. Туполев Туполев исемендәге Казан милли тикшеренү техник университеты (КНИТУ-КАИ) студентлары өчен тулай торак төзү урыны. Төзүчеләр ком-гравий һәм бетон әзерләү, ростверкларны арматура белән көчәйтү һәм бетонлаштыру буенча башкарылган эшләр турында хәбәр иттеләр. ТР Төзелеш, архитектура һәм торак-коммуналь хуҗалык министры Марат Айзатуллин барлык башкарылган эшләрнең югары сыйфатлы булуын тәэмин итүнең мөһимлеген билгеләп үтте.
Күп функцияле үзәк төзелешенә республика бюджетыннан 47 млн. сум бүлеп бирелгән. Түбән Кама янындагы Борок авылында күпфункцияле үзәк ачылды. КФҮнең мәйданы 600 кв. метр тәшкил итә һәм үз эченә 15 урынга исәпләнгән балалар бакчасы, 14 урынга исәпләнгән мәктәп һәм китапханәне ала. Тантаналы ачылыш авыл халкы, район хакимияте, авыл җирлеге вәкилләре һәм төзүчеләр катнашында узды. Кызыл тасма урынына учреждение җитәкчесе символик ачкыч алды. Балалар бакчасында интерьер якты буяулар белән эшләнгән. Балалар бакчасы киенү-чишенү бүлмәсе, уеннар һәм дәресләр өчен төркем, йокы бүлмәсе һәм санузел белән җиһазландырылган. Шулай ук ике заманча кер юу машинасы һәм үтүкләү пресс белән аерым прачечная бар. Моннан тыш, бинада аерым котельный бар. Китапханәнең китап фонды 1 мең данәдән артык тәшкил итә-биредә укырга гына түгел, ә төрле чараларда катнашырга да мөмкин булачак.