Сыра ясаган «Балтика» компаниясе (халыкара Carlsberg Group өлеше), Татарстан Республикасы төзелеш, архитектура һәм торак-коммуналь хуҗалык министрлыгы белән берлектә Республика территориясендә «Шәһәреңә файда китер» калдыкларны аерым-аерым җыю системасын үстерү буенча проектны гамәлгә ашыра. Проектның беренче 6 ай нәтиҗәләре - 50 тоннадан артык калдык җыелган һәм эшкәртелгән. Мондый уңай нәтиҗәләрне исәпкә алып, «Балтика» проектта алга таба катнашу –  Татарстанның экологик инфраструктурасын инвестицияләргә дәвам итү әзер булуын белдерде.

Биектауда Бөреле авыл җирлегендә, ниһаять, балалар бакчасында капиталь ремонт үтте. Ул «Мәгариф объектларын капиталь ремонтлау» президент программасы нигезендә мөмкин булды. «Белочка» – районда өченче ремонтланган балалар бакчасы. Программада мәктәпләр дә бар. 2019 ел балалар бакчасы өчен юбилей елы булачак. Аңа нәкъ кырык биш ел тула. Ярты гасырга якын тормыш эчендә бина мондый ремонтны хәтерләми дә. Нибары бер тапкыр гына түбә алыштырылган. Хәзер балалар бакчасы матур диварлар һәм яңа җиһаз гына алмаган, әмма ышанычлы планлаштырылган һәм яңартылган коммуникацияләр системасына да ия булган.

2018 елда үз эченә сыер абзарлары, машина-трактор парклары, ындыр табаклары капиталь ремонтын һәм силос-сенаж чокырлары төзелешен керткән республика программасына алты аграр оешмалары кушылды. Әлеге программа кысаларында «АгроМир» җәмгыятенә сусыл азык өчен базасын төзү белән беррәттән 200 баш терлеккә сыер абзарын, машина-трактор паркын, ындыр табагын төзекләндерү булачак. Соңгысында, сүз уңаенда, капиталь ремонт эшләре тәмамланып тора.

Республика авылларда дәүләт программалары кысаларында йөзләп фермаларны, машина-трактор паркларын, ашлык, яшелчә һәм терлек азыгы өчен саклагычларны яңартачаклар. Бу хакта журналистларга «ТР Баш инвестиция-төзелеш идарәсе» вәкиле Илдар Рашитов сөйләде. «Программалары кысаларында 999,7 млн сумга 232 сыер абзары, 165,1 млн сумга 64 машина-трактор паркы, 373,2 млн. сумга 128 ындыр табагы хуҗалыклары, 66,6 млн сумга 11 яшелчә-бәрәнге саклагычы ремонтланачак, 200 млн сумга123 силос-сенаж чокыры төзеләчәк», - Арча районы Курса-почмак һәм Яңакырлай авыллары буенча пресс-тур барышында диде Рашитов. Ул билгеләп үткәнчә, сыер абзарлары һәм яшелчә-бәрәнге саклагычлары капиталь ремонт барышында диварлар ремонты, түбә урнаштыру үткәрелә. Шулай ук бетон һәм такта идәннәрен алыштыру һәм урнаштыру, тәрәзәләр һәм капка алыштыру каралган. Рашитовның сүзләренә караганда, ремонтның гомуми суммасы 1,8 млрд. сумнан бераз артык тәшкил итәчәк, шул ук вакытта шул күләмдә бюджет акчаларын өлеше якынча 30% булачак, ягъни якынча 540 млн. сум. Калган бюджеттан тыш өлеше – бу фермерларның һәм агрокомпанияләр хуҗаларының инвестицияләре.

Яр Чаллыда мәгариф объектлары буенча республика программасы кысаларында 9 балалар бакчасы капиталь ремонтланачак. Бу объектларга республика бюджетыннан 230,8 млн сум, шәһәр бюджетыннан 42 миллион сум бүлеп бирелгән. «Тополёк» балалар бакчасында түбәсен алыштырдылар, кайнар һәм салкын су белән тәэмин итү системаларын төзекләндерү, бәдрәфләре ремонтлау, ишек-тәрәзәләр алмаштыру, беренче катларында җылы идән урнаштыру үткәргәннәр. Балаларга уңайлы шартлар булдыру өчен, диварларны ачык төсләргә буяганнар. Аларның дизайннарын Яр Чаллы дәүләт педагогика университеты студентлары эшләделәр. Капиталь ремонт, шулай ук, түбәндәге мәктәпкәчә белем бирү учреждениеләрендә бара: «Аленький цветочек», «Росинка», «Малыш», «Снежинка», «Алан», «Антошка», «Буратино» һәм «Теремок». Ачылу якын арада планлаштырыла.

Хәзерге вакытта республика программасы кысаларында «Мамадыш» совхозы бистәсендә 14 йортта капиталь ремонтлау эшләре бара. Бу эшләргә 22 миллион сум акча бүлеп бирелгән. Бу акчага биш йортта түбәләрне алмаштыралар, өч йортта керамогранит плиткасы белән бизәү ясыячаклар, һәм подъездларны ремонтлыячаклар. Барлык эшләр август ахырына тәмамланачак. Белешмә: быел КФЙ капиталь ремонтлау программасы буенча гомуми мәйданы 5,3 млн. кв. м. 995 күп фатирлы йортларны ремонтлау планлаштырыла, 2017 елда гомуми мәйданы 6,2 млн. кв. м 982 күп фатирлы йорт ремонтланган.

Татарстан Республикасында күп фатирлы йортларга капиталь ремонтның барышы турында бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.   

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты. 

«Варикус» БТК» ҖЧҖ түбәндәге адрес буенча: РТ, Казан шәһәре, Лукин ур., 50 йорт; 8-бүлекле, 286 фатирлы 2 нче торак йортын файдалануга рөхсәт биргән.