ЯҢАЛЫКЛАР
ТР төзелеш, архитектура һәм торак-коммуналь хуҗалыгы министырлыгы хәбәр иткәнчә, 20 август көнне Ш-4 торак районы "Салават Күпере" буенча йөрү мөмкин булмаячак. "ҖЧҖ Волгаавтодор" подрядчысы соңгы (өске) асфальт-бетон катламынның җәю эшләрен башкарырга керешә. Машина йөртүчеләрне игътибар булырга һәм үз маршрутны алдан уйларга сорыйбыз.
Татарстанның төзелеш, архитектура һәм торак-коммуналь хуҗалыгы министры урынбасары Илшат Гыймаев "Варикус" ИТК ҖЧҖ генераль директоры Айрат Нәгыймов, Казан шәһәре шәһәр төзелешенә рөхсәтләр бирү идарәсе начальнигы урынбасары Максим Андреянов һәм журналистлар белән бергә Казан шәһәрендә инвестицион торак йортлары төзелеше белән танышты. Төзүче сүзләренә караганда, "Взлетная полоса" торак комплексы ике 10 катлы каркас-монолит йортларыннан торачак, эченә гомуми мәйданы 32241 м2 565 фатир, 399 машина кую урынына күп катлы паркинг һәм ике катлы 212 машина кую урынына җир астында паркинг кертә. Беренче этап кысаларында төзелгән 2 нче йорт, 286 фатир кертә, 1 нче йорт — 279. Паркинг төзелеше икенче чират кысаларында планлаштырылган. Халыкны машина кую урыны белән тәэмин итү уртадан югарырак булачак – һәр фатирга 1,5 машина кую урыны.
2017 елның 12-15 сентябрь көннәрендә "Казан ярминкәсе "күргәзмә үзәгендә ТР төзелеш, архитектура һәм торак-коммуналь хуҗалык Министырлыгы ярдәме белән махсус күргәзмәләр берләштерүче 19-нче Халыкара Көзге төзелеш форумы узачак: 19-нче халыкара махсуслаштырылган "Торак" күргәзмәсен, 11-нче махсуслаштырылган "Бина һәм корылмаларның инженерлык коммуникацияләре" күргәзмәсен һәм 2-нче махсуслаштырылган "ЧистоТАТ" күргәзмәсен.
“Татарстан Республикасының торак-коммуналь хуҗалыгы өлкәсендә җәмәгать контроленең төбәк үзәге" экспертлары "Мәгълүматлы кулланучы мәктәбе" проект кысаларында Чистай шәһәрендә семинар уздырдылар. Чарада 50 дән артык кеше катнашты. Тулырак мәгълүматны алырга була сайтында http://obcontrolrt.ru/obuchenie яки телефон аша: +7(843)236-29-97.
Бүген Татарстан Республикасы Президенты Рөстәм Миңнеханов Мөслим мунициципаль районына эш сәфәре кыла. Чарада шулай ук Татарстан Республикасы төзелеш, архитектура һәм ТКХ министры Ирек Фәйзуллин катнашты. Пленар утырышы башланганчы Рөстәм Миңнеханов Мөслимдә берничә мәгариф оешмасында булды.
Урыссуның 2 санлы балалар бакчасында капиталь ремонт тәмамланып килә. Әлеге мәгариф учреждениедә шәхси җылыту системасына тоташтыру, группаларга кайнар су бойлерлары кую, ишек алдын төзекләндерү дәвам итә. Капиталь ремонтны финанслау республика программасы кысаларында алып барылды.
Биектау районының Бимәр авылы, Комлы ур. буенча 4 нче йортта яшәүчеләрнең мөрәҗәгатен карау барышында ТР ДТИ үзәк инспекторлык бүлеге белгечләре йортта гомуми милекнең тиешенчә карап тотылмавын ачыклады, ә атап әйткәндә, фасадларның буяу һәм штукатур өслеге җимерелгән, шулай ук подъездларга керә торган ишек өслекләре дә төзек түгел. Ачыкланган җитешсезлек очракларын бетерү буенча "Комфорт" идарәче компаниясе" ҖЧҖ карата күрсәтмә бирелде.
2017 елның гыйнвар-июль айларында Татарстан Республикасы Дәүләт төзелешен күзәтү инспекциясе белгечләре тарафыннан төзелә торган объектларда 2408 тикшерү үткәрелде, алар нәтиҗәсендә төзелеш оешмаларына ачыкланган җитешсезлекләрне бетерү турында 757 күрсәтмә бирелде. Шулай ук административ хокук бозулар турында 762 беркетмә төзелде. Бүгенге көндә Инспекция республика территориясендә төзелә һәм үзгәртеп корыла торган 1058 объектта күзәтчелек эшен гамәлгә ашыра.
Татарстан Республикасында 2017 ел башланганнан бирле Дәүләт төзелеш күзәтчелеге инспекциясе тарафыннан 43 муниципаль берәмлектәге күп фатирлы йортларга капремонт объектларында 2 мең 785 тикшерү уздырылган, шуларның 17сендә техник иминлек кагыйдәләрен бозу буенча 54 факт ачыкланган. Бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин шул хакта хәбәр итте.
Хөрмәтле коллегалар һәм төзелеш тармагы ветераннары!
Һөнәри бәйрәм rөнендә ТР төзелеш, архитектура һәм торак-коммуналь хуҗалык министрлыгы исеменнән һәм шәхсән үземнән, сезгэ чын күңелдән бик кирәкле һәм фидакарь хезмәтегез өчен ихлас котлаулар һәм рәхмәт сүзләре белдерергә рөхсәт итегез! Сез мактаулы һәм җаваплы, сәләткә әйләнгән һөнәр сайладыгыз. Барлык төзелеш белгечлекләрнең фидакарь эш нәтиҗәсе республикабызның икътисади үсеше белән һәм уңайлы мохит булдыру, һәр кешенең югары сыйфатлы заманча тормыш үткәрү белән бәйле. Аеруча рәхмәт төзелеш тармагы ветераннарына белдерәм, алар үз хезмәтләре белән һөнәргә тугрылык белдерделәр. Бүген яшьләр элеккеге буыннардан килгән иң яхшы традицияләрне дәвам итә. Безнең республикабыз төзелеш династияләргә бай. Бу гаиләләрдә һөнәр кыйммәтләре, серләре, гореф-гадәтләре, осталык буыннан-буынга тапшырыла.