ЯҢАЛЫКЛАР

Конкурста төрле масштабларында инновацион архитектура һәм дизайн-проектлар катнашалар, әмма, һичшиксез, – табигать белән рухланган. Бу өлкәдә эшләнмәләр белән Илнар һәм Резеда Әхтәмовлар җитәкчелегендә магистрант-архитектор Карина Ашрапова шөгыльләнә. Жюри әгъзалары аның "Симбиотик архитектура. Хисле туендыру киңлеге" эшен иң яхшысы дип билгеләгәннәр! Беренче урынны алуга Карина бүләккә 2000 фунт акча, профильле басмаларда публикацияләр алачак, шулай ук, киләсе конкурста жюри әгъзасы булачак! Әйтергә кирәк, конкурста катнашу түләүле иде һәм призлы урыннар, конкурсның шартлары нигезендә, ике генә: җиңүче һәм Икенче урын, шуңа күрә КДАТУ студенты җиңүе тагын да кыйммәтле булып тора. Җиңүчене һәм аның җитәкчеләрен котлыйбыз!

Татарстан Республикасы Министрлар Кабинетының "Татарстан Республикасы шәһәрләре һәм муниципаль районнары территорияләрен чистарту буенча санитар-экология икеайлыгы турында" 21.03.2017 № 527-р боерыгын үтәү максатында Түбән Кама зонасы торак инспекциясе тарафыннан 2017 елның 01 апреленнән 31 маена кадәрге чорда Түбән Кама, Зәй һәм Яңа Чишмә муниципаль районнарында 143 йорт яны территориясе тикшерелде.Үткәрелгән тикшерүләр нәтиҗәсендә һәм йорт яны территорияләренең санитар торышы, балаларның уен мәйданчыкларын, чүп әрҗәләре урнаштырылган урыннарны һәм адрес атрибутикасын карап тоту өлешендә ачыкланган 157 җитешсезлек очрагы буенча Түбән Кама зонасы торак инспекциясе тарафыннан идарәче оешмаларга карата 92 күрсәтмә бирелде.­2017 елның 31 маена карата инспекция тарафыннан бирелгән барлык күрсәтмәләр дә тулы күләмдә үтәлде, ачыкланган җитешсезлек очраклары юкка чыгарылды.

Казан шәһәре торак инспекциясенә (алга таба – КШТИ) Казан шәһәренең Энергетиклар урамы буенча 4 номерлы торак йортта яшәүче Казан ш. Энергетиклар ур. буенча 4 номерлы торак йортның 103 фатиры рөхсәт документларыннан башка гына законсыз үзгәртеп планлаштырылу мәсьәләсе белән мөрәҗәгать итте, бу исә күпфатирлы торак йортның җимерелү куркынычын барлыкка китерергә мөмкин. Мөрәҗәгать итүченең мөрәҗәгатен карау барышында, аның мөрәҗәгатендә бәян ителгән фактларны тикшерү һәм административ хокук бозу очрагын чикләү өчен, КШТИ, ирекле тәртиптә торак бинага кертү таләбе белән, милекчегә берничә мәртәбә хәбәрләмәләр җибәрде. Ләкин торак бина милекчесе фатирына керү мөмкинлеген тудырмады, шуңа бәйле рәвештә КШТИ Казан шәһәренең Мәскәү районы судына Энергетиклар урамы буенча 4 номерлы торак йортта 103 номерлы торак бинага керү мөмкинлеген тудыру турында дәгъва гаризасы белән мөрәҗәгать итте.Тикшерү нәтиҗәләре буенча Казан шәһәре Мәскәү районы суды дәгъваны канәгатьләндерде һәм торак бина милекчесенә инспекторлык тикшерүен үткәрү өчен КШТИ хезмәткәрләренә бинага керү мөмкинлеген тудырырга мәҗбүр итте.

8-12 июньдә Чабаксар шәһәрендә – Чуаш Республикасы башкаласында "Уңайлы шәһәр – миф я чынбарлык?" эш исемендәге XL Рәсәй Федерациясе субъектларының һәм муниципаль берәмлекләрнең төп архитекторларының Советы утырышы уза.  Пленар сессиянең темасы - шәһәрдә уңайлы территорияләр булдыру, анда һәтта Татарстан вәкиле катнашты. Татарстан Республикасы  төзелеш, архитектура һәм торак-коммуналь хуҗалыгы министр урынбасары, ТР архитекторлар берлеге рәисе Владимир Кудряшев "Иҗтимагый тирәлекләр төзекләндерү - Татарстан Республикасының шәһәр төзелешенең өстенлек сәясәте" дигән темага доклад белән чыгыш ясады. Катнашучылар өчен бай эшлекле программа формалаштырылган.  Архитектура һәм шәһәр төзелеше өлкәсендә Чуаш Республикасы башкаласының әһәмиятле проектларына күргәзмә оештырылды, түгәрәк өстәлләр, экскурсияләр үткәрелә.

2017 ел башланганнан бирле Татарстан Республикасы Дәүләт төзелеш күзәтчелеге инспекциясе һәм Татарстан Республикасы Дәүләт хезмәт инспекциясе тарафыннан 690 тикшерү уздырылган. Хезмәтне саклау кагыйдәләрен һәм нормаларын бозган өчен 4 млн. 800 мең сумлык 176 карар чыгарылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов хәбәр итте.

Спас районының Болгар шәһәрендә Гордеев урамы буенча 5, 7, 9 санлы күпфатирлы торак йортларны тикшерү нәтиҗәләре буенча Чистай ЗТИ инспекторы идарәче оешма тарафыннан баскычлы урыннарны карап тоту һәм ремонтлау өлешендә торак фондын техник эксплуатацияләү кагыйдәләре һәм нормалары бозылу очракларын ачыклады, ә атап әйткәндә: аерым-аерым урыннарда керамик плитәдән ясалган идән капламы җимерек. Ачыкланган җитешсезлекләрне юкка чыгару өчен идарәче оешма җитәкчесенә күрсәтмәләр бирелде.

2017 елда Татарстанда 146 оешманың капиталь ремонт планлаштырылган, шуларның 110 - балалар бакчалары һәм аларны ремонтлар өчен барлыгы 1,6 млрд.сум бирелгән.  Бу хакта бүген “Татар-информ”да узган матбугат конференциясендә Татарстанның Төзелеш, архитектура һәм торак-коммуналь хуҗалыгы министрының беренче урынбасары Алексей Фролов җиткерде.

Мәйданы 227,9 мең кв. метрга, 4709 фатирга 15 йорт төзелә. 2017 елның 10 гыйнварыннан 119 күчмә штаб-киңәшмә үткәрелде. Объектта эшләүчеләр саны - 3097 кеше.

10 квартал («ГрэйтСтрой» ҖЧҖ 5 йорты)  - 717 кеше;

11 квартал («Казан» Идел буе Төзелү Оешмасы ҖЧҖ 5 йорты)  - 1154 кеше;

12 квартал («КГЭС» ҖАҖ 2 йорты)  - 100 кеше;

12 квартал («Халык йорты» Идел буе Төзелү Компаниясе ҖЧҖ, «БарсЭлитСтрой» ҖЧҖ, «Төзүче+» ҖЧҖ 3 йорты )  - 1126 кеше.

Бүген ТР төзелеш, архитектура һәм торак-коммуналь хуҗалык министрның урынбасары Юрий Аляшев җитәкчелегендә һәм "АҖ СҖТ МИЗ "Алабуга" заказ бирүчесе, " Татинвестгражданпроект " проектлы институты һәм "Камгэсэнергострой" ҖАҖ һәм "Гидропромжилстрой" ҖЧҖ вәкилләре катнашында "Алабуга" МИЗының төзелеп килүче объектларының чираттагы күзәтүе үтте.

Чаллы зонасы торак инспекциясенә Чаллы шәһәрендә яшәүченең "электр белән тәэмин итү" буенча коммуналь хезмәте туктатылуга бәйле шикаять белән мөрәҗәгать итүе нигезендә планнан тыш тикшерү үткәрелде. Планнан тыш үткәрелгән тикшерү барышында ачыкланганча, "электр белән тәэмин итү" коммуналь хезмәтен туктату нигезсез башкарылган. Шуңа бәйле рәвештә, "Челныстройремонт" идарәче оешмасы" ҖЧҖ  идарәче оешмасының юридик заты РФ КоАП 7.23 статьясы буенча административ җаваплылыкка тартылды һәм аңа карата 5000 сум күләмендә административ штраф салынды. Электр белән тәэмин итү нормага салынды.