"Салават Күпере" торак районында бүген 255 фатирлы  13-1 торак өйе буенча файдалануга тапшыру акты алынды. Йортның гомуми мәйданы – 15,1 мең кв. м.

Татарстан Республикасы территориясендә урнашкан күпфатирлы йортларда гомуми милекне капиталь ремонтлауның төбәк программасын тормышка ашыруның расланган кыска чорлы планы нигезендә 2017 елда Зәй шәһәрендә һәм Зәй районында – 17, Түбән Кама шәһәрендә һәм Түбән Кама районында – 128, Яңа Чишмә авылында 3 йортта капиталь ремонт эшләрен башкару планлаштырыла. Капиталь ремонт программаларына кертелгән барлык йортлар да инспекция тарафыннан тикшерелде. Планлаштырылган эш төрләрен башкаруга карата җитешсезлек исемлекләре ТКЗТИ тарафыннан килештерелде.

2017 елның 11 апрель көнне КДАТУда 69-нчы халыкара архитектура һәм төзелеш проблемалары буенча фәнни конференциясе ачылды.

Татарстан Республикасында гражданнарны авария хәлендәге торак фондыннан күчерү программасы буенча 158 мең кв. метрга 4 мең 333 сатып алу шартнамәсе төзелгән, бу шартнамәләрнең гомуми санының 88%ын тәшкил итә. Бу хакта бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.   

Яшел Үзән шәһәрендә 12 апрельдә 10 сәгатьтә Горький исемендәге мәдәният, сәнгать һәм халык иҗаты үзәгенең конференц-залында «Белемле кулланучы мәктәбе» проекты гамәлгә ашыру кысаларында укыту узачак.

2017 елның мартында Чистай ЗТИ тарафыннан юридик затларга карата планнан тыш урынга чыгып 14 тикшерү үткәрелде, аларның 4се – элек бирелгән күрсәтмәләрнең үтәлешен тикшерү буенча; 10 тикшерү ЧЗТИ гражданнардан кергән мөрәҗәгатьләргә бәйле. Шулай ук 2017 елның март аенда Чистай ЗТИ тарафыннан торак йортларда идарәче оешмаларның су басуга каршы чараларның үтәлеше предметына карата тикшерүләр; капиталь ремонт программасына кертелгән торак йортларны тикшерүләр, шулай ук Гражданнарны аварияле торак фондыннан күчерү программасы буенча төзелә торган торак йортларны караулар үткәрелде. Үткәрелгән тикшерүләр кысасында барлыгы гомуми мәйданы 639,55 мең кв. метр булган 211 торак йорт тикшерелде; торак фондын техник эксплуатацияләү кагыйдәләре һәм нормалары бозылуның 248 очрагы ачыкланды. Җитешсезлекләрне бетерү өчен 142 күрсәтмә бирелде.

"Салават Күпере" Торак районында тагын ике йорт төзелеше тәмамланган. 10 нчы кварталның 5 нче йортында капиталь төзелеш һәм реконструкция заказчының җитешсезлекләрне бетерү, һәм башкару-техник документларны җиһазлау эше бара. 13 нче кварталның 1 нче йорты буенча бүген объектның нигезе буенча бәяләмәсе алынган, 12 апрельгә кадәр файдалануга тапшыру буенча рөхсәт алырга планлаштырыла.

Татарстан Республикасы Төзелеш, архитектура һәм торак-коммуналь хуҗалык министрлыгы хезмәткәрләре "Бергәләп террорчылыкка каршы" Бөтенроссия акциясендә катнашты. Митингта катнашучылар арасында күп яшьләр, шул исәптән төрле югары уку йортлары студентлары катнашты. Җыелган 1,5 мең кеше террорчылар корбаннарын искә алдылар.

Бүген "Корстон" кунакханә һәм сәүдә-күңел ачу комплексында "Татарстан Республикасы төзүчеләр Бердәмлеге " үзен тәртипкә салучы ассоциациясенең VIII еллык хисап җыелышы оешмасы  узды.  Бу оешмага керә торган 800 дән артык предприятие Казанга килгән.

Татарстан Республикасы Төзелеш, архитектура һәм торак-коммуналь хуҗалык министрлыгы беренче урынбасары Алексей Фролов VOMM (Италия) компаниясе вәкилләре белән очрашу уздырды, аның кысаларында хезмәттәшлекнең мөмкин булган юнәлешләре турында фикер алыштылар.