ЯҢАЛЫКЛАР

8 апрельдә башланган "ТКХ Мастеры" курслар аттестациясе тәмамланды. "Уңайлы йорт" ИК ҖЧҖ генераль директоры М.Нуриев, ТКХ буенча генераль директоры урынбасары Р.Шафигулин, җәмәгатьчелек белән бәйләнешләр буенча генераль директор урынбасары В.Андреев, кадрлар бүлеге  башлыгы О.Тихонова һәм ТКХ Уку үзәге директоры И.Зарипов җитәкчелегендә аттестация комиссиясе укучыларның рефератлар яклавын тыңладылар.Яклаудан соң квалификация күтәрү турында урнаштырылган үрнәк буенча таныклыклар бирелде.

Татарстан Республикасы Дәүләт торак инспекциясе мәгълүматлары буенча, 42 муниципаль берәмлектә 999 объектның 996 сында торак йортларны капиталь ремонтлау программасы буенча эш башланган. Бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм торак-коммуналь хуҗалык министры Ирек Фәйзуллин белдерде. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты вазыйфаларын вакытлыча башкаручы Рөстәм Миңнеханов уздырды. Киңәшмәдә шулай ук Татарстан Республикасы Премьер-министрының беренче урынбасары Алексей Песошин да катнашты.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Казан шәһәрендә 2015 елгы су спорт төрләре буенча XVI дөнья чемпионаты объектларын йөреп чыкты. Аны Татарстан Республикасы Премьер-министры Илдар Халиков, Татарстан Республикасы төзелеш, архитектура һәм ТКХ министры Ирек Фәйзуллин, "Спорт проектлары башкарма дирекциясе" АКБО генераль директоры Азат Кадыйров, республика министрлыклары һәм ведомстволары вәкилләре, подряд оешмалары җитәкчеләре озата йөрде.

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Идел елгасы яры буйларын йөреп чыкты. Аны Татарстан Республикасы төзелеш, архитектура һәм ТКХ министры Ирек Фәйзуллин, Татарстан Республикасы Прокуроры Илдус Нәфыйков, Татарстан Республикасы Президенты ярдәмчесе Олеся Балтусова, Татарстан Республикасы Президенты ярдәмчесе Наталия Фишман һәм башкалар озата йөрде

Бүген "Очкыч" якташ-очучы һәйкәле янында "Әдәби ишегалды" мәйданчылыгы эшлиячәк, "Ялган" якташ-артиллерияче һәйкәленнән Билгесез солдат һәйкәленә кадәр сәләмәтләндерү гимнастика скандинав йөрүләр оештырачаклар.Билгесез солдат һәйкәленнән гәскәри-интернационалист һәйкәленә кадәр парк өлешендә "Спорт Татарстан" мәйданчылыгы оештырылачак. Укучылар Торагы каршында "Шахмат клубы" урнаштырыла.

Бүген "Алабуга" махсус икътисади зонасында Татарстан Республикасының Төзелеш,архитектура һәм торак-коммуналь хуҗалык министры урынбасары Юрий Аляшев подряд оешмалары белән чираттагы киңәшмә үткәрде. Киңәшмәдә "Алабуга"да инжененерия,транспорт һәм социаль инфраструктурасын төзү мәсьәләләре буенча фикер алыштылар.

Татарстанда “Үз мәктәбеңә ярдәм ит!” акциясе башланды. Беренче тапкыр ул, ТР лидеры Рөстәм Миңнеханов башлангычы белән, 2013 елда үткәрелде. Акция ТР Мәгариф һәм фән министрлыгы тарафыннан, ТР Төзелеш, архитектура һәм торак-коммуналь хуҗалык министрлыгы һәм “Татмедиа” Республика матбугат һәм массакүләм коммуникацияләр агентлыгы белән берлектә, оештырыла.