Җылыту сезонына әзерлек Идел Буе төбәкләрендә бетеп бара

2017 елның 15 сентябрь көнендә Идел Буе федераль округында Рәсәй Федерациясе Президентының тулы вәкаләтле вәкиле урынбасары, Олег Машковцев Идел Буе төбәгендә торак-коммуналь хуҗалык объектларын 2017-2018 елларда көзге-кышкы периодына әзерләнү мәсьәләсе буенча округ киңәшмәсен үткәрде. Киңәшмә эшендә ТР төзелеш, архитектура һәм торак-коммуналь хуҗалык министры Ирек Фәйзуллин катнашты. Төбәк башкарма хакимият органнары мәгълүматлары буенча, агымдагы елның 1 сентябренә округның барлык регионнарында киләсе җылыту сезонына әзерләү соңгы этабында бара. Олег Машковцев билгеләп үткәнчә, кышкы шартларда эшләүгә инде торак фондының 95 проценты, казаннар һәм үзәк җылылык пункталырың 93% , 94% җылылык, суүткәргеч һәм 95% электр челтәрләре әзерләнгән. Җылылык белән тәэмин итү өлкәсенең предприятиеләрендә һәм оешмаларында фактта күмер - планлаштырылган күләмнең 88% дәрәҗәсендә , сыек ягулык – 119% һәм башка каты ягулык – 55% әзерләнгән.