Лаешта күләмле реконструкциядән соң чистарту корылмаларын җибәрделәр

Бүген Лаешта биологик чистарту корылмаларын масштаблы реконструкциядән соң җибәрделәр. Объектта соңгы ремонт эшләре 1989 елда үткәрелде. Чарада экология министры Александр Шадриков, ТР Газлаштыру фонды директоры Җәүдәт Миннәхмәтов һәм Лаеш районы башлыгы Михаил Афанасьев катнаштылар. Объектын проект егәрлеге тәүлегенә 450 куб. м су тәшкил итә. Хәзер канализация суларын табигый сулыкка түгү алдында бу аларга берничә чистарту этапларын узарга туры киләчәк. Пычрак су махсус бактерия ярдәмендә биологик чистартуга ирешле. Нәтиҗәдә, ул 95 – 98 процентка чистартыла. Лаеш районы башлыгы сүзләренә караганда, объектның икенче чиратын төзү күздә тотыла. Якын көннәрдә шулай ук, реконструкциядән соң файдалануга тапшырылачаклар Тарловка, Базарлы Матак һәм Мамадыш чистарту корылмалары. 2018 елда республика бюджетыннан 167 млн. сум Бөреле, Яңа чишмә, Балык Бистәсе, Буа һәм Карабаш БЧКлары капиталь ремонтына бүлеп бирелгән.