Татарстанның 259 күп фатирлы торак йортында капиталь ремонт башланган

Татарстанның 33 муниципаль берәмлегендә 259 күп фатирлы торак йортында капиталь ремонт башланган. Бу хакта бүген ТР Хөкүмәт йортында ТР Президенты һәм ТР Премьер-министры катнашында видеоконференция режимында узган киңәшмәдә ТР төзелеш, архитектура һәм торак-коммуналь хуҗалык министры Ирек Фәйзуллин белдерде..
Министр муниципалитетлар җитәкчеләренә мөрәҗәгать итеп, җаваплы подрядчыларны сайлауларын сорады.

ТР Төзелеш, архитектура һәм торак-коммуналь хуҗалык министрлыгы мәгълүматлары буенча 2012 елда күп фатирлы торак йортларны капиталь ремонтлау программасын финанслау күләме Фондтан 558 млн. 878 мең. сум, ТР бюджетыннан 1 млрд. 373 млн. 131 мең сум, муниципаль берәмлекләр бюджетыннан 1 млрд. 75 млн. 572 мең сум, милекчеләрдән 1 млрд. 349 млн. 5,9 мең сум тәшкил иткән.
2012 елның 6 февралендә РФ Хөкүмәте тарафыннан Казанның күп фатирлы торак йортларын капиталь ремонтлау өчен Фондка акча күчерү турында беркетмә имзаланган.