Татарстан Республикасы Төзелеш, архитектура һәм торак-коммуналь хуҗалык министрлыгы

2019 елда Татарстанның чистарту корылмаларын төзү һәм ремонтлау өчен 1,6 млрд. сумнан артык акча бүлеп бирелгән

2019 елның 23 июле, сишәмбе

Татарстанның чистарту корылмаларының күбесе гамәлдәге нормативларга туры килми. Татарстанның чистарту корылмаларын реконструкцияләүгә һәм төзүгә 1,6 млрд. сумнан артык акча бүлеп бирелгән. «Быел биологик чистарту корылмаларын модернизацияләү программасы буенча 421 млн. сум бүлеп бирелгән. Бу -Татарстанның 20 районындагы 35 объект: 17 биологик чистарту корылмасы һәм 18 канализация насос станциясе. Россия дәрәҗәсендә "Идел елгасын савыктыру“ федераль проекты бар, Татарстан да анда катнаша. Бүгенге көндә республикада алты районда алты объектны модернизацияләүгә 1 миллиард 200 миллион сум акча юнәлдерелгән», — дип билгеләп үтте Евгений Волков. «Без моның белән шөгыльләнә башлагач, чистарту корылмаларының күпчелегенең гамәлдәге нормативларга туры килмәвен күрдек», — дип ачыклык кертте Волков. Чистарту корылмалары Әгерҗе (Кызыл Бор) һәм Алексеевск (Алексеевск ш.т. б.) районнарында төзеләчәк, Зәйдә чистарту корылмаларына капиталь ремонт ясалачак, Казанда яңгыр сулары канализациясе чыгару корылмаларында масштаблы чистарту корылмалары төзеләчәк, Алабугада чистарту корылмаларын реконструкцияләү буенча зур проект һәм шул ук программа буенча чаралар Тәтештә планлаштырылган. Барлык төзелеш һәм ремонт эшләрен бу ел ахырына тәмамларга планлаштыралар.

БАРЛЫК ЯҢАЛЫКЛАРНЫ УКУ