Төзелеш Министрлыгында пыяла-пластик трубаларны презентацияләү булды
ТР Төзелеш, архитектура һәм ТКХ Министрлыгында “Композит” Холдинг компаниясенең презентациясе булды. Әлеге чарада торак-коммуналь хуҗалык Идарәсе башлыгы А.Ю. Абдуллаев, министрлык һәм тармак предприятиеләреннән белгечләр катнашты.
“Композит” компаниясенең тулырак презентациясендә полиэфир һәм эпоксидлы сумалалар нигезендә эшләнгән пыяла-пластик трубалар җитештерү буенча мәгълүмат тәкъдим ителде. Әлеге трубалар торак-коммуналь хуҗалыктагы инженерлык челтәрләре өчен эшләнелә һәм бүгенге көндә Россия Федерациясе территориясендә киң кулланыла. Пыяла-пластик трубаларның төп аермасы булып, транспортлау һәм монтажлау җиңеллеге, бик сыгылмалы булуы, коррозиягә чыдамлыгы, хезмәт итү срогы ( 50 елга кадәр) тора.
Бүгенге көндә компания республика территориясендә җитештерү оештырырга планлаштыра.