Татарстан Республикасы Төзелеш, архитектура һәм торак-коммуналь хуҗалык министрлыгы

Аерым икътисади зона инфраструктурасы объектларының төзелеше сораулары турында “Алабуга”дагы киңәшмәдә сөйләштеләр

2012 елның 7 декабре, җомга

“Алубуга” АИЗ ППТда, ТР Төзелеш, архитектура һәм торак-коммуналь хуҗалык министры урынбасары Ю.Л. Аляшев үткәргән киңәшмәдә, аерым икътисади зона инфраструктурасы объектларының төзелеше сораулары турында подрядлы оешмалар белән сөйләштеләр.

Генераль подрядчылар “Камгэсэнергострой” ААҖ һәм “Трест Камдорстрой” ЯАҖ тарафыннан, 2012 елда төзелгән контрактлар буенча эшләр тәмамланып килә, объектларны заказ бирүчегә тапшырырга әзерләнәләр. Бүгенгесе көндә, агымдагы ел башыннан, 336,288 млн. сум үзләштерелгән, шул исәптән, “Камгэсэнергострой” ААҖ – 256,464 млн.сум, “Трест Камдорстрой” ЯАҖ - 79,824 млн. сум. Төзү-монтаж эшләре буенча план, ноябрь аенда, 30% ка арттырып үтәлгән. “Камгэсэнергострой” ААҖдә РП-13 җиһазын монтажлау тәмамланган, ТР ИГСНны тикшерү һәм көчәнешне бирү өчен әзерлек эшләре бара. “Трест Камдорстрой” ЯАҖ тарафыннан М-7 автоюлы аша электр тапшыруның һава юлы линиясен үзгәртеп кору буенча эшләр башкара. Эшне тәмамлау срогы – 2012 елның 20 декабре.

Хәзерге вакытта, киләсе елда төзү-монтаж эшләренең программасын үтәүне тәэмин итү өчен, подрядчылар тарафыннан, аерым икътисади зона инфраструктурасы объектларын төзүгә оештырылган ачык бәйгеләрдә катнашуга әзерләнелә.

“Алабуга” АИЗ резидентлары тарафыннан заводлар төзү темпы кимеми.

Углерод җепселләре эшкәртүче “Алабуга-Волокно” ҖЧҖ завод төзелешендә, “МПО Иншаат” ЯАҖ подрядчысы тарафыннан җитештерү корпусының сэндвич-панелен монтажлау буенча эшләр эшләнелә. Төзү-монтаж эшләре белән бергә, технологик җиһазлар да кайтарыла, әлеге җиһазларны монтажлау 2013 елның мартына планлаштырыла. Җитештерү эшчәнлеген башлап җибәрү 2013 елның IV кварталына билгеләнгән.

Техник май һәм азык онын җитештерү проектын тормышка ашыра торган “Сария Био Индастрис” ҖЧҖ ( подрядчик – “СтройМонтаж-Инжиниринг” ҖЧҖ) резиденты тарафыннан төзү-монтаж эшләре тамамланып килә. Җитештерү эшчәнлеген башлап җибәрү 2013 елның I кварталына билгеләнгән.

Автомобиль пыяласы җитештерә торган заводны төзүче “Аутоматив Гласс Рус” ЯАҖ резиденты тарафыннан фундамент һәм монолит-бетон урнаштыру эшләре тәмамланган, дивар сэндвич-панель монтажлауның 75%ы, түбә металлоконструкциясен монтажлауның 55%ы эшләнгән. Җитештерү эшчәнлеген башлап җибәрү 2013 елның икенче яртысына билгеләнгән.

“Тракья Гласс Рус” ЯАҖ тарафыннан төзелеш (табаклы) пыяла, капламалы көзге һәм пыяла җитештерү проектын тормышка ашырыла. Хәзерге вакытта, подрядчы “ТЕПЕ Иншаат” җитештерү корпусының фундаментын урнаштырды, бетон эшләре, металлоконструкцияне монтажлау эшләре башкарыла. Җитештерү эшчәнлеген башлап җибәрү 2014 елның I кварталына билгеләнгән.

МДФ плиталар җитештерә торган заводны төзүче “«Кастамону Интегрейтед Вуд Индастри» ҖЧҖ тарафыннан ( подрядчы – “Компас инжиниринг” ҖЧҖ) җитештерү корпусының колоналарын һәм металлоконструкцияләрен монтажлау буенча эшләр тәмамланып килә, мәйдан эчендәге яңгыр канализацияләрен, бетон идәннәр урнаштыру, сэндвич-панельләр монтажлау буенча эшләр бара. Ашханәле көнкүреш корпусын төзү эшләренең 20%ы тәмамланган.

пресс-хезмәт

БАРЛЫК ЯҢАЛЫКЛАРНЫ УКУ