Төзелеш Министрлыгында эшче төркемнең хезмәтне саклау соравы буенча йомгаклау утырышы булды

2012 елның 7 декабре, җомга
Бүген Төзелеш, архитектура һәм ТКХ Министрлыгында 2012 ел нәтиҗәләре буенча төзелеш тармагында хезмәтне саклау һәм куркынычсызлык техникасы сорауларына багышланган эшче төркем утырышы булды. Утырышны төзелеш комплексы үсеше идарәсе башлыгы И.С. Гимаев үткәрде. Ул билгеләп үткәнчә,бүгенге көндә, хезмәтне саклау өлкәседә уңай үзгәрешләр бар. Республика төзелеш объектларында хезмәтне саклау буенча таләпләр, кагыйдәләр һәм нормалар үтәүне контрольда тоту максатыннан, ТР Төзелеш, архитектура һәм ТКХ Министрлыгы тарафыннан профилактика һәм аңлату чаралары үткәрелә.

Агымдагы елда эшләнгән эшләр турындагы доклад белән Төзелеш Министрлыгының торак программаларын тормышка ашыру бүлеге башлыгы О.С. Муханова чыгыш ясады. Төзелеш тармагын куркынычсызлык белән тәэмин итү буенча эшләр дәвам ителәчәк. Докладта киләсе ел өчен чаралар планы да яңгырады.

ТР хезмәт, шөгыльлек һәм социаль ярдәм Министрлыгының саклау бүлеге башлыгы Т.Н. Манжосова җитештерү травматизмын түбәнәйтү тәкъдиме белән чыкты. Ул, үз чыгышында, соңгы елларда җитештерү травматизмының кимүен әйтте, төзелеш оешмалары җитәкчеләре белән бергә актив рәвештә эшләү моннан соң да дәвам ителәчәген билгеләп үтте.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International