Түбән Кама Борок авылында балалар бакчасы һәм «Боровичок» башлангыч мәктәбе ачтылар
Күп функцияле үзәк төзелешенә республика бюджетыннан 47 млн. сум бүлеп бирелгән. Түбән Кама янындагы Борок авылында күпфункцияле үзәк ачылды. КФҮнең мәйданы 600 кв. метр тәшкил итә һәм үз эченә 15 урынга исәпләнгән балалар бакчасы, 14 урынга исәпләнгән мәктәп һәм китапханәне ала. Тантаналы ачылыш авыл халкы, район хакимияте, авыл җирлеге вәкилләре һәм төзүчеләр катнашында узды. Кызыл тасма урынына учреждение җитәкчесе символик ачкыч алды. Балалар бакчасында интерьер якты буяулар белән эшләнгән. Балалар бакчасы киенү-чишенү бүлмәсе, уеннар һәм дәресләр өчен төркем, йокы бүлмәсе һәм санузел белән җиһазландырылган. Шулай ук ике заманча кер юу машинасы һәм үтүкләү пресс белән аерым прачечная бар. Моннан тыш, бинада аерым котельный бар. Китапханәнең китап фонды 1 мең данәдән артык тәшкил итә-биредә укырга гына түгел, ә төрле чараларда катнашырга да мөмкин булачак.