Кыргызстан Республикасы делегациясе Татарстан Төзелеш министрлыгында булды
Яклар кайбер юнәлешләр буенча мәнфәгатьләрне кисешү һәм алга таба хезмәттәшлек итү мөмкинлекләре турында фикер алыштылар. Бүген ТР Төзелеш, архитектура һәм торак-коммуналь хуҗалык министрының беренче урынбасары Алексей Фролов һәм Кыргызстан Республикасының Рәссәй Федерациясендәге Гадәттән тыш һәм Тулы вәкаләтле Илчесе Гөлнара-Клара Самат Татарстан белән Кыргызстан арасында республика төзелеш министрлыгы линиясе буенча хезмәттәшлекне үстерү перспективалары турында фикер алыштылар. Очрашу дустанә Республикасы делегациясенең Татарстанга өч көнлек визиты кысаларында узды. Чараның форматы танышу характерында иде. Кунаклар республиканың торак-коммуналь хуҗалыгында һәм төзелеш өлкәсендәге кайбер әһәмиятле казанышлар турында мәгълүматны ишетеп кенә калмыйча, сораулар да бирә, тәҗрибә уртаклаша алдылар. Үзенең чыгышында Алексей Фролов билгеләп үткәнчә, бүген Татарстан – алдынгы һәм икътисади яктан уңышлы регион, инвестицияләр җәлеп итүчәнлеге рейтингында лидерлык позицияләрен били һәм чит ил компанияләренең Рәссәй базарына керү ноктасына әверелә бара. Республикада шәһәр һәм авыл төзелеше тизләтелгән темплар белән үсә. ТР Төзелеш, архитектура һәм торак-коммуналь хуҗалык министрының беренче урынбасары җәмәгать киңлекләрен төзекләндерү буенча республика тәҗрибәсе турында сөйләде. Кыргызстан Республикасының Рәссәй Федерациясендәге Гадәттән тыш һәм Тулы вәкаләтле Илчесе Гөлнара-Клара Самат билгеләп үткәнчә, Кыргызстан һәм Татарстанның төрле тармакларда хезмәттәшлек өчен потенциалы бик зур. Чит ил делегациясе вәкилләре төзелеш материаллары сәнәгате, торак төзелеше, мәгариф һәм хезмәт миграциясе өлкәсендә хезмәттәшлекне үстерү белән кызыксынуларын белдерделәр. Очрашу ахырында яклар эшне дәвам итү турында килештеләр.