3 меңнән артык мәгариф объекты алдагы ягу сезонына әзер
Бүген ТР Төзелеш, архитектура һәм торак-коммуналь хуҗалык министры урынбасары Илдус Насыйров ягулык-энергетика һәм торак-коммуналь комплекслар объектларын ягулык чорына әзерләү буенча республика штабының чираттагы утырышын үткәрде.
Чара видеоконференцэлемтә режимында республика Төзелеш министрлыгында узды.
Чыгыш башында Илдус Насыйров объектларның җылылык чорына әзерлеге турында оператив мәгълүмат китерде. Муниципаль районнар тарафыннан торак фонды мониторингы системасына кертелгән мәгълүматларга караганда, бүгенге көндә 2 806 котельный әзерләнгән, бу 90,1% тәшкил итә. Моннан тыш, киләсе җылыту сезонына 3 004 объект (91,4%), 1 824 объект (91,57%) сәламәтлек саклау, 1 734 объект (92,0 %) мәдәният, 222 объект (88,5 %) спорт объекты әзерләнгән.
14 мең 331 күп фатирлы йортның әзерлек паспортлары рәсмиләштерелгән, бу йортларның гомуми саныннан 81,1% тәшкил итә.
Утырыш барышында ТР Дәүләт торак инспекциясе башлыгы урынбасары Ирек Шәйдуллин, Татарстан Республикасында Ягулык-энергетика ресурсларыннан рациональ файдалануны һәм сыйфатын тәэмин итү идарәсе башлыгы урынбасары Рөстәм Гаптраупов, шулай ук Югары Ослан, Менделеевск һәм Зәй муниципаль районнары башкарма комитетлары җитәкчеләре ягулык чорына әзерлек эшләренең барышы турында доклад белән чыгыш ясады.