Марат Айзатуллин «Зур Яшел Үзән» һәм «Лаеш ноктасы» территорияләрен үстерү мәсьәләләре буенча киңәшмә үткәрде
Бүген Татарстан Төзелеш министрлыгында «Зур Яшел Үзән» һәм «Лаеш ноктасы» территорияләрен үстерү мәсьәләләрен тикшерделәр. Киңәшмәне ТР Төзелеш, архитектура һәм ТКХ министры Марат Айзатуллин үткәрде.
Киңәшмәдә министр урынбасары Мәҗит Салихов, Татарстан Республикасы дәүләт экспертиза һәм бәя билгеләү идарәсе директоры Рафар Шакиров, Яшел Үзән муниципаль районы башкарма комитеты җитәкчесе Ильяс Ганиев, заказ бирүче, подряд һәм проект оешмалары вәкилләре катнашты.
Катнашучылар «Зур Яшел Үзән» проекты кысаларында «Лаеш ноктасы» территориясендә су белән тәэмин итү, кулланылган суларны агызу, газ белән тәэмин итү һәм канализация челтәрләрен проектлаштыру мәсьәләләре буенча фикер уртаклаштылар. Шул исәптән «Каенлык» планлаштыру проекты территориясе, Казан шәһәре Идел буе районы М-14 микрорайоны һәм якын-тирә территорияләр өчен насос станциясе булган суүткәргеч төзелеше, шулай ук хуҗалык-көнкүреш басымы канализациясе мәсьәләләре каралды.
Фикер уртаклашу барышында катнашучылар шулай ук Яшел Үзән шәһәрендәге район канализация насос станциясен төзекләндерү мәсьәләсе буенча фикер алыштылар.