15-16 мартта Казанда РЕБУС Халыкара форумы узачак
“Ребус: тарихи үзәктә төзелеш икътисады” халыкара форумы Россия Федерациясе Төзелеш һәм ТКХ министрлыгы, Татарстан Республикасы Президенты, РФ Архитекторлар берлеге ярдәме белән үткәрелә.
Форум тарихи территорияләрдә девелоперларның икътисади активлыгын, үсеш проектларының чикләүләрен һәм мөмкинлекләрен өйрәнүгә юнәлдерелгән. Чара девелоперлар белән аралашу, регионнар үзенчәлеген проектлау һәм саклау методикалары буенча фикер алышу мәйданчыгы булачак.
Форумның төп бурычы - Россиядә дә, кайбер чит илләрдә дә бу өлкәдә иң яхшы тәҗрибәләрне һәм кейсларны җыю һәм анализлау. Регионнар һәм федераль үзәк эшенә иң яхшы тәҗрибәләрне кертү буенча методик тәкъдимнәр ясарга. Тарихи территорияләрдә төзелештә кулланыла торган төзелеш материалларына аерым игътибар бирү планлаштырыла.
Форум кысаларында темалар буенча 6 зур сессия узачак:
Тарихи территорияләргә инвестицияләр: проблемалар һәм мөмкинлекләр
Тарихи үзәктә инновацияләр: тарихи үзәк нәрсә төзи
Тарихи территорияләрдә төзелешне җайга салу практикасы
Тарихи үзәктә функцияләр (объектлар) балансы
Территорияне үстерү ресурсы буларак матди булмаган мирас: маркетинг һәм капитализация
Тарихи территорияләрне үстерүнең иң яхшы тәҗрибәләре.