Республикада илкүләм проектлар буенча сәламәтлек саклау һәм мәгариф объектлары төзелеше дәвам итә

Илкүләм проект  программаларын гамәлгә ашыру турында ТР Төзелеш, архитектура һәм торак-коммуналь хуҗалык министры Марат Айзатуллин ТР Хөкүмәте Йортында узган атналык киңәшмәдә сөйләде.

Агымдагы елда объектлар төзү буенча эшләр 6 милли проект һәм 3 дәүләт программасы кысаларында планлаштырылган.

9 белем бирү учреждениесе төзелеше быел милли проектлар һәм дәүләт программалары буенча алып барыла. Бу: Мамадыш, Биектау, Тукай, Арча районнарында, Казан һәм Яр Чаллы шәһәрләрендә 7 мәктәп төзелеше. Алар буенча эш башкару 47 % тәшкил итә. Казан шәһәрендә 2 балалар бакчасы төзелә.

 «Сәламәтлек саклау» илкүләм проекты кысаларында 42 муниципаль берәмлектә 47 фельдшер-акушерлык пункты, 3 поликлиника һәм Казанның Чебакса бистәсендә бер гомуми практика табибы үзәге кертелгән. Бүгенге көндә эшләр 2 поликлиникада алып барыла. Төзелеш-монтаж эшләренең гомуми күләме 53% тәшкил итә.

«Экология» илкүләм проекты буенча 4 объект буенча эшләр дәвам итә. Казан шәһәрендә биологик чистарту корылмаларын реконструкцияләү 55,5% ка башкарылган. Казан шәһәрендә балчык басуларын рекультивацияләүнең 49% ы. Казан шәһәрендәге Самосыров полигонын рекультивацияләү буенча эшләр 59% ка, Түбән Кама сусаклагычындагы торба үткәргечләрне демонтажлау – 7% ка башкарылган.

Спорт линиясе буенча 8 спорт объекты һәм 6 балалар сәламәтләндерү лагеры гамәлгә ашырыла.

«Чиста су» федераль проекты кысаларында Нурлат шәһәрендә су белән тәэмин итү системасы төзелеше дәвам итә: эш күләме 76% тәшкил итә. Моннан тыш, Тукай районы Белоус авылында челтәрләр төзелеше башланды.

«Авыл территорияләрен комплекслы үстерү» дәүләт программасы буенча Саба районында биологик чистарту корылмалары төзү һәм Биектау һәм Саба районнарында су белән тәэмин итү челтәрләре төзү планлаштырылган.