Илнур Нурмөхәммәтов республикада дәүләт программаларын гамәлгә ашыру турында сөйләде
2022 елда «Татарстан Республикасы халкын сыйфатлы торак һәм торак-коммуналь хуҗалык хезмәтләре белән тәэмин итү» һәм «Татарстан Республикасы территориясендә заманча шәһәр мохитен формалаштыру» дәүләт программаларын гамәлгә ашыру нәтиҗәләре турында бүген ТР Төзелеш министрлыгы каршындагы Иҗтимагый совет утырышында ТР Төзелеш, архитектура һәм торак-коммуналь хуҗалык министры урынбасары Илнур Нурмөхәммәтов сөйләде.
Илнур Нурмөхәммәтов үз чыгышында билгеләп үткәнчә, «Татарстан Республикасы халкын сыйфатлы торак һәм торак-коммуналь хуҗалык хезмәтләре белән тәэмин итү» дәүләт программасының максаты - республика халкын уңайлы торак һәм торак-коммуналь хуҗалыкның сыйфатлы хезмәтләре белән тәэмин итү.
2022 елда программаны гамәлгә ашыру нәтиҗәләре буенча Татарстанда 50 яшь гаилә торак шартларын яхшыртты, 25 күп балалы гаилә торак белән тәэмин ителде һәм 600 ятим балага Татарстан Республикасы махсуслаштырылган торак фондының торак биналары бирелде. Файдалануга тапшырылган торак күләме 3,093 млн. кв. м тәшкил итте.
Моннан тыш, гомуми мәйданы 4,7 млн кв.метр булган 740 күп фатирлы йорт капиталь ремонтланган. Шулай ук 8363 яктырткыч, 112 электр энергиясен исәпкә алу щиты, 208,1 км изоляцияләнгән чыбыклар монтажланган, республика бюджет учреждениеләрендә 40 объектта 72 казан алыштырылган.
«Татарстан Республикасы территориясендә заманча шәһәр мохитен формалаштыру» дәүләт программасын гамәлгә ашыру кысаларында 2022 елда төзекләндерелгән иҗтимагый территорияләр саны артты (2018 елдан үсә барган нәтиҗә белән) һәм 233 берәмлекне тәшкил итте. Төзәтелгән иҗтимагый территорияләрнең мәйданы бер кешегә 4,1 кв. метр тәшкил итә.
Утырышны ТР Төзелеш, архитектура һәм торак-коммуналь хуҗалык министрлыгы каршындагы Иҗтимагый совет рәисе Ринат Абдуллин үткәрде. ТР Төзелеш, архитектура һәм ТКХ министрының беренче урынбасары Алексей Фролов, юридик бүлек башлыгы Эльвира Латыйпова, дәүләт хезмәте һәм кадрлар бүлеге башлыгы Татьяна Титова, Иҗтимагый совет әгъзалары – «Татинвестгражданпроект» ДУП генераль директорының архитектура буенча киңәшчесе Илдус Әсәдуллин, ТМШ НКО ревизия комиссиясе рәисе башлангыч Валерий Леонтьев, «ТР Предприятиеләре һәм оешмалары яшьләре берлеге» Айдар Сәгетдинов һәм башкалар.