Мамадышта мәктәп-бакча төзелеше тәмамлана
Мамадышта мәктәп-бакча төзелеше объектында төзелеш-монтаж эшләре тәмамланган. Гомуми белем бирү объекты Россия Федерациясенең “Авыл территорияләрен комплекслы үстерү"дәүләт программасы кысаларында төзелә.
Дүрт катлы бина, гомуми мәйданы алты мең кв. м. 240 мәктәп урынына исәпләнгән, бакчаның сыйдырышлылыгы 120 кеше.
Мәктәп һәм бакча өчен спорт җиһазлары бүленгән: гомуми белем бирү өлеше һәм бакча өчен үз гимнастика мәйданчыклары бар. Мәктәп территориясендә футбол кыры, волейбол һәм баскетбол белән шөгыльләнү өчен җиһазлар бар.
Исегезгә төшерәбез, республикада 1 сентябрьгә 11 мәгариф объекты төзеләчәк. Казан шәһәрендә дүрт зур мәктәп, Яр Чаллы шәһәрендә 1501 урынга исәпләнгән ике мәктәп, Арск шәһәрендә 500 урынга исәпләнгән бер мәктәп төзелә. Кечкенә мәктәпләр республиканың дүрт муниципаль районында төзелә: Тукай, Биектау, Әлки һәм Мамадыш шәһәрләрендә.