Рөстәм Миңнеханов Дәүләт Думасының төзелеш һәм ТКХ комитеты рәисе Сергей Пахомов белән очрашты
Рөстәм Миңнеханов Дәүләт Думасының төзелеш һәм ТКХ комитеты рәисе Сергей Пахомов белән очрашты. Очрашу Б. Рәмиев исемендәге ИТ-паркта, РЕБУС-2023: «тарихи үзәктә төзелеш икътисады» Халыкара форумы кысаларында узды.
Очрашуда төзелеш тармагын үстерү, төзелеш өлкәсендә административ киртәләрне киметү, күп фатирлы йортлар белән идарә итү системасын камилләштерү, торак-коммуналь хуҗалык инфраструктурасын заманчалаштыру мәсьәләләре турында фикер алыштылар.
Фикер алышуда ТР Төзелеш, архитектура һәм торак-коммуналь хуҗалык министры Марат Айзатуллин катнашты.
РЕБУС 2023: «Тарихи үзәктә төзелеш икътисады» Халыкара форумы - тарихи мирасны һәм территориянең үзенчәлеген саклап, шәһәрләрнең тарихи үзәкләрендә бизнесның икътисади активлыгын арттыру мәсьәләләре буенча карарлар эшләү максатында РФ төбәкләре һәм чит илләрнең үзара хезмәттәшлеге өчен мәйданчык. Форум 3-4 июльдә уза. Катнашу өчен Россиянең 15 иленнән һәм 50 төбәгеннән 2 мең кеше чакырылган.