Марат Айзатуллин Сызрань Сабан туенда катнашты

2023 елның 3 июле, дүшәмбе

Самара өлкәсенең Сызрань шәһәрендә татар халкының милли бәйрәме - Сабан туе узды. Чарада Татарстанның Төзелеш, архитектура һәм торак-коммуналь хуҗалык министры Марат Айзатуллин һәм Биектау районы башлыгы Равил Хисаметдинов катнашты.

Марат Айзатуллин бәйрәм кунакларын Татарстан Республикасы җитәкчелеге исеменнән котлады. «Сабан туе - татарларның тарихи-мәдәни мирасының аерылгысыз өлеше, безнең мәдәни кодның мөһим өлеше. Сабан туе - ата-бабаларыбызның гореф-гадәтләренә карата хөрмәт күрсәтүне символлаштыра торган якты энҗе», - дип билгеләп үтте ул сәламләү чыгышында.

Бәйрәм кысаларында күңел ачу һәм спорт мәйданчыклары оештырылды. Татарстан иҗат коллективлары концерт программасы белән чыгыш ясады.