РЕБУС Халыкара форумы эше дәвам итә
Б.Рәмиев исемендәге ИТ-паркта РЕБУС Халыкара форумы эшен дәвам итә.
Бүген архитектура һәм һәйкәлләрне саклау арасындагы мөнәсәбәтләр, шәһәрнең үзәк өлешендә яңа объектлар урнаштыру үзенчәлекләре һәм үзәктә торучы халыкның төзелешкә мөнәсәбәте мәсьәләләре тикшерелә.
Тарихи үзәкләрне тотрыклы үстерүнең хокукый инструментлары һәм инновацияләр буенча сессияләр узачак. Форумда катнашучылар шулай ук тарихи үзәкләрдә коммерцияле күчемсез милек темасына кагылачаклар.
Шулай ук күргәзмәгә бару планлаштырыла, анда тарихи территорияләрдә куллану өчен тәкъдим ителгән яңа техник карарлар һәм төзелеш материаллары тәкъдим ителә.
«РЕБУС» халыкара форумына 2 меңгә якын архитектор, Россиянең төрле төбәкләреннән, шулай ук Белоруссия, Кытай һәм Төркиядән хакимият органнары вәкилләре җыелган.
Исегезгә төшерәбез, форумның төп бурычы - Россиядә дә, кайбер чит илләрдә дә бу өлкәдә иң яхшы практикаларны һәм кейсларны җыю, анализлау һәм төбәкләр һәм федераль үзәк эшенә иң яхшы практикаларны кертү буенча методик киңәшләр тәкъдим итү. Тарихи территорияләрдә төзелештә кулланыла торган материалларга аерым игътибар бирү планлаштырыла.
Тулырак мәгълүмат форум сайтында