Марат Айзатуллин Теләче муниципаль районында булды
Бүген ТР Төзелеш, архитектура һәм торак-коммуналь хуҗалык министры Марат Айзатуллин республиканың Теләче муниципаль районында эш визиты белән булды.
Ул район башлыгы Нәҗип Хаҗипов катнашында министр муниципаль район объектларын төзү һәм капиталь ремонтлау барышы белән танышты.
Беренче пункт булып Теләче авылындагы канализация чистарту корылмалары булды. Хәзерге вакытта Теләче авылы территориясендә үзәк район хастаханәсе районында бер канализация-насос станциясе һәм Луговая урамында биологик чистарту корылмалары эшли. Моннан тыш, Марат Айзатуллин «Теләче» сәнәгать паркының чистарту корылмаларын карады. Тикшерү барышында катнашучылар чистарту корылмаларын эксплуатацияләү һәм аларның куәтен тәүлегенә 200 куб.м. кадәр арттыру мәсьәләләре буенча фикер алыштылар.
«Теләче» сәнәгать паркы территориясе 40 гектар тәшкил итә. Визит вакытында министр шулай ук «ЛМР Пласт» ҖЧҖ җитештерү мәйданчыкларын карады. Компания көнкүреш полимер әйберләре җитештерү белән шөгыльләнә.
Аннары Төзелеш министрлыгы башлыгы һәм аны озатып йөрүчеләр Теләче муниципаль районының Мәктәп урамы, 3 нче йорт буенча урнашкан «Теләче урта гомуми белем бирү мәктәбе» МББУ бинасын реконструкцияләү барышы белән таныштылар. Бүгенге көндә төзелеш-монтаж эшләре 68% ка башкарылган. Объектта инженерлык челтәрләрен, фасадны төзү һәм бизәү эшләре алып барыла.
Министр шулай ук Теләче авылында булачак яшьләр үзәгендә булды. Бүгенге көндә 4 катлы бинаның әзерлеге яртысыннан артык дип бәяләнә. Хәзерге вакытта эчке һәм тышкы инженерлык челтәрләрен салу буенча эшләр алып барыла. Төзелеш-монтаж эшләрен агымдагы елның сентябрендә тәмамлау планлаштырыла.
Очрашуда шулай ук министр урынбасары Мәҗит Салихов һәм ТР ГИСУ директоры урынбасары Илнур Кәлимуллин катнашты.