Ирек Фәйзуллин Казанда яңа мәктәп ачылышында катнашты

Казан шәһәрендәге 35 нче номерлы урта гомуми белем бирү мәктәбе бүген укучылар өчен, беренче тапкыр, ишекләрен ачты. Уку елы башлануга багышланган тантаналы линейкада Татарстан Президенты Рөстәм Миңнеханов катнашты. Чарада, шулай ук, ТР Төзелеш, архитектура һәм торак-коммуналь хуҗалык министры И.Э. Фәйзуллин, вице-премьер вазыйфаларын башкаручы – ТР мәгариф һәм фән министры Энгель Фаттахов, Казан мэры Илсур Метшин, “Ак Барс Банк” ААҖ директорлар Советы рәисе Валерий Сорокин катнашты. 35 нче номерлы яңа мәктәп Кояшлы шәһәр микрорайонында, “Ак Барс девелопмент” компания-төзүче ярдәме белән төзелгән. Әлеге мәктәп 1000 укучы өчен исәпләнелгән, бүген мәктәпкә 600 укучы килде, бу елны алар бер сменада укыячаклар. Мәктәп аэрокосмик технологияләр буенча махсуслашачак – балалар өчен кирәк булган техник түгәрәкләр һәм секцияләр оештырылачак. Татарстан Президенты Рөстәм Миңнеханов, тантаналы линейкада хәбәр иткәнчә, яңа уку елында республикада 8 яңа мәктәп, 4 яңа балалар бакчасы ачылды, 167 мәктәптә капиталь ремонт ясалды. “Бүген көндә республика яңа уку елына тулысынча әзер, һәм безгә монда, әлеге матур мәктәпне ачу күңелле”, - диде Р. Миңнеханов. Ул “Кояшлы шәһәр” микрорайонын төзи торган һәм мәктәп төзелешендә катнашкан “Ак Барс банк” төркеменә рәхмәт сүзләре җиткерде. Рөстәм Миңнеханов мәктәп директорына спорт инвентаре алу өчен сертификат тапшырды, ә тантананың кульминация өлеше булып, укучылар тарафыннан дистәләгән кыңгырау белән беренче звонок яңгырату торды. Аннан соң мәртәбәле кунаклар яңа мәктәпне карадылар. Рөстәм Миңнеханов төрле кабинетларга керде, укучылар белән аралашты. Китапханәдә Татарстан Президентына төрле физик һәм химик тәҗрибәләр, шулай ук техник түгәрәкләрнең җиһазларын күрсәттеләр. “Балаларда техник күнекмәләр үстерү бик мөһим”, - диде Рөстәм Миңнеханов. Ул шулай ук, яңа мәктәпнең спорт залында булды, бина янындагы мәйданда, РТ Президентына, авиамоделирования секциясендәге радио белән идарә итә торган самолетларның очуын күрсәттеләр. Рөстәм Миңнеханов, мәктәпне караганнан соң журналистларга биргән интервьюсында әйтеп үткәнчә, 35 нче номерлы мәктәп яхшы тәэсир калдырган. “Монда укытуның иң заманча технологияләре кулланылган, җитди техник түгәрәкләр тәкъдим ителгән, спорт башлангычы бар, - диде Татарстан Президенты. – Без балаларда уйлау мөмкинлеге тәрбияләргә тиеш, һәм укытуның яңа технологияләре моңа этәргеч бирә”. Рөстәм Миңнеханов фикеренчә, заманча мәктәп уңайлы гына түгел, инновацион да булырга тиеш. “Без балаларыбызны иң заманча дөнья таләпләренә туры китереп тәрбияләргә тиешбез. IT-фәннәр, математика, физика, химия укытырга кирәк. Монда күргәннәр барысы да безең хыялларга туры килә”, - диде Татарстан Президенты.