Алексей Фролов республикада социаль-мәдәни объектларны капиталь ремонтлау барышы турында сөйләде

Алексей Фролов искәрткәнчә, мәгариф өлкәсендә 7 республика һәм федераль программа гамәлгә ашырыла. 43 гомуми белем бирү оешмасын ремонтлау буенча эшләр 91% тәшкил итә. Подрядчыларның эшендә 36 объект кала. Агымдагы атнада Яшел Үзән районында һәм Казанда 2 объект төзелеп бетте. 7 балалар бакчасы буенча эшләр 86% ка башкарылган. Мәктәп азык-төлек блокларын ремонтлау программасы кысаларында 143 объект буенча эшләр 95% ка башкарылган. Соңгы 2 атна эчендә 56 объектта эшләр тәмамланды. 9 ресурс үзәген капиталь ремонтлау буенча эшләр 84% ка башкарылган. 4 урта һөнәри белем бирү тулай торагын ремонтлау программасы буенча төзелеш-монтаж эшләре 88% ка башкарылган.

Сәламәтлек саклау тармагында өч программа кысаларында 149 объект яңартыла. Эшләр тулаем алганда 96% ка башкарылган. Агымдагы атнада Түбән Кама, Әлмәт, Тукай һәм Ютазы районнарында бер объект тапшырылган. 31 стационар учреждение буенча башкару 73% тәшкил итә. Узган ике атнада 3 объектта эшләр тәмамланган (2се Казанда һәм 1се Буа районында).

44 мәдәният объектын ремонтлау 4 программа кысаларында алып барыла. Бу 34 авыл мәдәният йорты, алар буенча башкару 68% тәшкил итә. Агымдагы атнада Актаныш һәм Кукмара районнарында эшләр төгәлләнде. 10 тармак белем бирү учреждениесе буенча эш күләме 67% ка ябык. Бу атнада Арча районында бер объект тапшырылды.

Яшьләр сәясәте өлкәсендәге 5 программаның 6 балалар сәламәтләндерү лагерен ремонтлау буенча 80% эшләр күләме төгәлләнгән. 4 яшүсмерләр клубыннан Нурлат районында  эш дәвам итә. 8 яшьләр үзәгенең әзерлеге 83% ка җиткән. Агымдагы атнада объектны Әлмәт шәһәрендә төгәлләделәр. 10 психологик-педагогик ярдәм үзәген ремонтлау 36% ка башкарылган.

Экология һәм табигый ресурсларны саклау өлкәсеннән 23 объект 2 программага кертелгән, алар буенча эшләрнең гомуми үтәлеше 73%. Подрядчыларның эшендә 4 объект кала.