Илшат Гыймаев брусчатка җитештерү заводын ачуда катнашты
Бүген Казанда «4ГРАНИ» ҖЧҖнең брусчатка җитештерү заводын ачу тантанасы булды. Ачылу тантанасында ТР Төзелеш, архитектура һәм торак-коммуналь хуҗалык министры урынбасары Илшат Гыймаев катнашты.
«Татарстан Республикасының төзелеш тармагы тиз үсә. Торак, социаль-мәдәни объектлар төзелә, республика һәм илкүләм проектлар уңышлы рәвештә тормышка ашырыла. Минераль-чимал базасы һәм республиканың төзелеш индустриясенең үсеш алган тармагы төзелеш продукциясенең киң спектрын, традицион материалларны да сыйфатлы итеп чыгарырга мөмкинлек бирә», – дип билгеләп үтте министр урынбасары.
Чара барышында Илшат Гыймаев «4ГРАНИ» продукциясе үрнәкләре күргәзмәсен һәм җитештерүне карады, шулай ук механизацияле урнаштыру презентациясе белән танышты.
Илшат Гыймаев предприятие гомуми эшкә – республиканың төзелеш тармагын үстерүгә зур өлеш кертәчәгенә ышаныч белдерде. Завод продукциясе төзелеш базарында лаеклы урын алачак һәм күп кенә республика төзелеш объектларында кулланылачак!