Республикада 20 җәмәгать урынын төзекләндерү төгәлләнде

Татарстан Республикасында 20 җәмәгать урынын төзекләндерү төгәлләнде. Яңа парклар һәм скверлар Чирмешән, Баулы, Мөслим, Актаныш, Түбән Кама, Кама Тамагы, Бөгелмә, Яшел Үзән, Сарман, Зәй, Әгерҗе, Аксубай, Тукай, Кайбыч муниципаль районнарында һәм Казанда барлыкка килде.

Эшләр «Торак һәм шәһәр мохите» илкүләм проектының «Уңайлы шәһәр мохитен формалаштыру» Федераль программасын гамәлгә ашыру кысаларында башкарыла.

Татарстанда агымдагы елда федераль проектны гамәлгә ашыру кысаларында 2 млрд 241,7 млн сумлык 60 объектны гамәлгә ашыру планлаштырылган. Моннан тыш, кече шәһәрләр һәм тарихи торак пунктлар конкурсы кысаларында 2022 елда 692,5 млн.сумлык 8 җиңүче объектны төзекләндерү дәвам итә.

Бүгенге көндә подрядчыларның эшендә 53 җәмәгать урыны калды. Алар буенча гомуми башкару 85% тан артык дип бәяләнә.

Федераль программа уңайлы шәһәр мохитен формалаштыру илкүләм проектның төп юнәлешләренең берсе - торак һәм шәһәр мохите. Программа уңайлы шәһәр мохите булдыруга һәм уңайсыз шартлы шәһәрләр санын киметүгә юнәлдерелгән.