Илшат Гыймаев төзелеш материаллары сәнәгатен үстерү мәсьәләләре буенча фикер алышуда катнашты
Татарстанда төзелеш материаллары сәнәгатен үстерү мәсьәләләре буенча Чаллы Сәүдә-сәнәгать палатасының эшлекле үзәгендә узган «Россия Федерациясендә һәм Татарстан Республикасында торак һәм сәнәгать төзелеше базарында дәүләт структуралары һәм катнашучылары белән төзелеш материаллары һәм җиһазлары җитештерүче предприятиеләрнең үзара хезмәттәшлеге проблемалары һәм үсеш юллары турында» түгәрәк өстәл артында фикер алыштылар. Чарада ТР Төзелеш, архитектура һәм торак-коммуналь хуҗалык министры урынбасары Илшат Гыймаев катнашты.
Татарстан сәнәгать кластеры эшчәнлеге турында фикер алышу барышында Идарә рәисе Сергей Майоров сөйләде.
Татарстанда 440тан артык предприятие төзелеш әһәмиятендәге продукция җитештерә. 2021 елда җибәрелгән продукция күләме 48 млрд сумнан артык тәшкил итә, 2022 елда 50 млрд сумнан артык, 2023 елның беренче яртыеллыгында 20 млрд сумга якын.
Түгәрәк өстәл азагында катнашучылар «НПО штайнблок» ҖЧҖнең ячейкалы бетон җитештерү буенча яңа заводы мәйданчыгында булдылар. Бүгенге көндә завод тест режимында тәүлегенә 300 куб. метр ячейкалы бетон чыгара. Предприятие октябрьдә тәүлегенә 600 куб.метр җитештерүгә чыгарга һәм завод территориясендә коры катнашмалар цехы ачарга ниятли.