Казанда коррупциягә каршы республика форумы узды
2023 елның 8 декабрендә Казанның IT - паркында ачык дискуссия форматында коррупциягә каршы республика форумы узды.
Форум Халыкара коррупциягә каршы көрәш көненә (9 декабрь) багышлана. Россия Федерациясе 20 ел элек Берләшкән Милләтләр Оешмасы Конвенциясенә кул куйган һәм шуннан бирле безнең илдә коррупциягә каршы тору дәүләт сәясәте булып тора.
Форумда Татарстан Республикасы дәүләт хакимияте органнары җитәкчеләре, әйдәп баручы фән һәм җәмәгать эшлеклеләре, югары уку йортлары ректорлары, эре предприятиеләр, дини конфессияләр, массакүләм мәгълүмат чаралары вәкилләре, студентларның коррупциягә каршы комиссияләре активистлары катнашты.
Дискуссия утырышы барышында коррупциягә каршы эшчәнлекне фәнни-методик яктан тәэмин итү, ТР Дәүләт Советының «Халык контроле» эше һәм аның «Коррупциягә каршы көрәш» махсус кертмәсе, коррупциясез тынычлык коралы буларак цифрлы технологияләр, 2023 ел йомгаклары буенча Татарстан Республикасында коррупция турында халыкның фикерен өйрәнү нәтиҗәләре һәм башкалар турында фикер алыштылар.