Алексей Фролов: торак-коммуналь хуҗалык өлкәсендәге барлык оешмалар тарафыннан өзлексез һәм сыйфатлы хезмәт күрсәтү өчен кирәкле эш башкарылды
Бүген ТР Төзелеш, архитектура һәм ТКХ министрының беренче урынбасары Алексей Фролов ТР Министрлар Кабинетында узган брифингта Татарстанда торак-коммуналь хезмәтләр өлкәсендәге барлык оешмалар тарафыннан ял һәм бәйрәм көннәрендә өзлексез һәм сыйфатлы хезмәтләр күрсәтү өчен кирәкле эш башкарылды дип белдерде. Брифинг Яңа ел каникуллары чорында халыкның комплекслы иминлеген тәэмин итү һәм Татарстан Республикасы торак-коммуналь өлкәсенең өзлексез эшләве мәсьәләләренә багышланган иде.
Алексей Фролов журналистларның игътибарын күпфатирлы йортларны җылылык белән тәэмин итүгә аерым игътибар биреләчәгенә юнәлтте. Мөрәҗәгатьләргә һәм мөмкин булган аварияләргә оператив җавап бирү максатыннан Министрлыкта диспетчерлык хезмәтенең тәүлек әйләнәсе эшләве оештырылды (тел.231-14-10).
Министрның беренче урынбасары билгеләп үткәнчә, ТР Төзелеш министрлыгы җирле үзидарә органнары һәм торак-коммуналь хуҗалык предприятиеләре белән берлектә объектларны җылыту чорына әзерләү буенча зур эш алып барган. Барлык җылылык белән тәэмин итүче һәм җылылык челтәре оешмалары җылыту чорына әзерлек актлары алды.
«Моннан тыш, әзерлек режимына «Татлизинг» дәүләт унитар предприятиесе китерелгән, аның базасында материаллар һәм җиһазларның авария-техник запасы булдырылган», - диде ул.
Алексей Фролов искәрткәнчә, республикада торак-коммуналь хезмәтләрне 1 мең 304 оешма күрсәтә. Шул исәптән:
- 1 мең 179 оешма торак хезмәтләре күрсәтә;
50 оешма су белән тәэмин итү, су чыгару хезмәтләре;
- 38 җылылык белән тәэмин итү оешмасы;
Су белән тәэмин итү, су чыгару һәм җылылык белән тәэмин итү хезмәтләре күрсәтүче 35 күп тармаклы җитештерү предприятиесе;
2 оешма каты коммуналь калдыклар белән эш итү.