ТР Төзелеш министрлыгында Приморье крае делегациясе белән очрашу узды
Татарстан Республикасы Төзелеш, архитектура һәм ТКХ министрлыгында Приморье крае делегациясе белән очрашу булды. Очрашуны ТР Төзелеш министрлыгы башлыгы Марат Айзатуллин үткәрде.
Делегация төркемендә - Приморье крае Хөкүмәте Рәисе урынбасары Виталий Блоцкий, Приморье крае Губернаторы Аппараты һәм Приморье крае Хөкүмәте җитәкчесе Диләрә Маликова, сатып алулар өлкәсендә контракт системасын көйләү буенча министр Елена Иванова, Приморье крае төзелеш министры вазифаларын вакытлыча башкаручы Александр Москалев.
Танышу очрашуы барышында Марат Айзатуллин Татарстан Төзелеш министрлыгы эшчәнлеге, республикада гамәлгә ашырыла торган төзелеш һәм капремонт буенча федераль һәм республика программалары турында сөйләде. Очрашу барышында катнашучылар социаль һәм спорт объектларын төзүнең уңай тәҗрибәсе турында фикер алышты.
Моннан тыш, Марат Айзатуллин заказчының капиталь ремонт, объектлар һәм инженерлык челтәрләре төзү өлкәсендәге эшчәнлеге турында җентекләп сөйләде – ТР ГИСУ һәм ТР ГУИС, ТР Дәүләтэскспертиза идарәсе, Пространство планлаштыру институты, ТИГП, торак-коммуналь хуҗалык фонды һәм «Татлизинг» ДУП.
Ахырда Приморье крае делегациясе вәкилләре барлык катнашучыларга ачык һәм эчтәлекле сөйләшүләре өчен рәхмәт белдерде. Үз чиратында, Марат Айзатуллин тәкъдим ителгән тәҗрибә файдалы һәм эштә кулланырлык булыр дип өметләнүен белдерде.
Киңәшмәдә шулай ук ТР Төзелеш, архитектура һәм торак-коммуналь хуҗалык министры урынбасарлары Илшат Гыймаев, Владимир Кудряшев, Илнур Нурмөхәммәтов, заказчы хезмәтләре, «ТИГП» ДУП һәм ведомство карамагындагы оешма вәкилләре катнашты.