Татарстанда «Безнең ишегалды» программасын гамәлгә ашыру дәвам итә

«Безнең ишегалды» республика программасын тормышка ашыру турында Татарстан Республикасы Хөкүмәте Йортында узган киңәшмәдә «Татарстан Республикасы шәһәрләрен үстерү институты» фонды директоры Наилә Зиннәтуллина хәбәр итте.

Киңәшмәне Татарстан Республикасы Президенты Рөстәм Миңнеханов уздырды, шулай ук Татарстан Премьер-министры Алексей Песошин катнашты.

Наилә Зиннәтуллина хәбәр иткәнчә, бүгенге көндә җиһазлар җыю эше тәмамланган.

Быел программада барлыгы 32 муниципаль берәмлек катнаша, шуларның 22се документларны тулы күләмдә тапшырган.

Программаның чираттагы этабы-төзекләндерүнең йомгаклау схемаларын формалаштыру. Алар шулай ук «Безнең ишегалды» программасының рәсми сайтында урнаштырылачак.

Февраль башыннан гражданнардан 50 мөрәҗәгать алынган. Күпчелек искәрмәләр төзекләндерү схемаларына үзгәрешләр кертү турындагы сорауларны санга сукмау белән бәйле. «Кешеләргә һәр схеманың детальләрен, ишегалдындагы эшнең хәзерге һәм киләчәк этапларын җентекләп аңлатуны сорый. Әгәр без хәзер халыкның теләкләрен исәпкә алмасак, төзелеш эшләре барышында төзәтмәләр кертү куркынычы туарга мөмкин», - диде Наилә Зиннәтуллина.