Алексей Фролов социаль объектлар төзү буенча республика һәм федераль программаларны гамәлгә ашыру турында сөйләде
Татарстанда торак төзелешенә ярдәмгә 2 федераль программа - «Торак» һәм «Авыл территорияләрендә торак төзелешен үстерү» җибәрелгән. Әлеге программалар кысаларында 8 объект төзеләчәк.
Ике федераль проект «Мәгариф» тармагында гамәлгә ашырыла. 4 мәктәп һәм бер балалар бакчасы төзү планлаштырыла. Бүгенге көндә 4 мәктәп буенча төзелеш-монтаж эшләре 9% тәшкил итә.
«Сәламәтлек саклау» тармагында 53 яңа объект төзеләчәк, шуларның 48е - фельдшер-акушерлык пунктлары. Эшләр 39 ФАПта алып барыла. Барлык объектлар буенча гомуми үтәлеш 22% тәшкил итә. Тагын 9 ФАП май ахырына кадәр төзелешкә керешәчәк.
«Яшьләр сәясәте» тармагында планлаштырылган 8 объектның апрель ахырына кадәр бер объект - Чаллыда психологик-педагогик ярдәм үзәге буенча контракт төзергә кала. Өч балалар сәламәтләндерү лагеры төзелә башлый. Калган 3 объект буенча эшләр апрель ахырына кадәр башланачак.
Спорт объектларын төзү өлешендә агымдагы елда бер республика һәм бер федераль программа гамәлгә ашырыла, аларга 4 ябык футбол манежы, 15 универсаль спорт мәйданчыгы, чаңгы-роллер трассасы һәм административ бина керә. Бүгенге көндә эш ике футбол манежында башланган. Калган 17 объект буенча эшләр апрель ахырына кадәр башланачак.