Марат Айзатуллин республикада капиталь ремонт барышы турында хәбәр итте
Татарстан Республикасында социаль-мәдәни өлкә объектларын капиталь ремонтлау программасы кысаларында 10 балалар бакчасына, 21 мәктәпкә ремонт ясала, 8 мәктәп ашханәсе ремонтлана.
Бу хакта ТР Хөкүмәте Йортында узган традицион шимбә киңәшмәсендә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Киңәшмәне Татарстан Республикасы Рәисе Рөстәм Миңнеханов барлык муниципаль районнар белән видеоконференцэлемтә режимында уздырды. Киңәшмәдә ТР Премьер-министры Алексей Песошин катнашты.
ТР Төзелеш министрлыгы башлыгы хәбәр иткәнчә, бүгенге көндә 10 балалар бакчасы буенча эшләр алып барыла (27 процент үтәлгән). Подрядчылар шулай ук 21 объектта эш алып баралар - бу мәктәпләр һәм белем бирү үзәкләре (10% үтәлгән). Мәктәпләрдә азык-төлек блокларын ремонтлау буенча масштаблы эшләр уку елы тәмамланганнан соң ук башланачак. Хәзерге вакытта 8 мәктәп ашханәсе ремонтлана.
Икенче мөһим тармак - сәламәтлек саклау өлкәсе. Контрактлар төзелгән объектлардан 61 фельдшер-акушерлык пункты эшли (33% үтәлгән). Агымдагы атнада подрядчылар Югары Ослан районында ФАПны ремонтлау тәмамлануы турында хисап тоттылар.
Бүгенге көндә поликлиникаларны капиталь ремонтлау программасының үтәлеше 17% тәшкил итә. Эшләр 20 объектта алып барыла.
Медицина стационарларында да шундый ук процент эш башкарылган. Подрядчыларның эшендә 23 объект бар. Соңгы ике атнада Биектау районының Усады авылында объект тапшырылды.
Мәдәният тармагында 24 объектның яртысы контрактка кертелгән. Инде сату узган объектлардан 5 балалар сәнгать мәктәбен (28% башкарылган) һәм 7 мәдәният учреждениесен (18% башкаркарылган) ремонтлау буенча эшләр алып барыла.
Киңәшмә барышында министр төзелеш эшләрен башкаруга һәм башка социаль объектларны капиталь ремонтлауга тукталды. Әйтик, яшьләр өлкәсендә федераль һәм республика программалары кысаларында 2024 елда 27 объект ремонтланачак. Бүгенге көндә 3 психологик-педагогик ярдәм бинасына һәм бер балалар лагерына (апрель ахырында планлаштырыла), шулай ук 4 яшьләр үзәгенә, 2 психологик-педагогик ярдәм бинасына, бер балалар лагерына һәм бер яшүсмерләр клубына контрактлар төзү кала. Бу объектларның барысы да май аенда контрактка кертеләчәк, дип төгәлләде ТР Төзелеш министрлыгы башлыгы.
Эш башланган объектлар арасында -7 балалар лагере бар (7% башкарылган).
Яшүсмерләр клубларын ремонтлау программасы 15% ка үтәлгән. Подрядчылар 4 объектта эшли.
Моннан тыш, агымдагы атнада ике яшьләр үзәгендә эшләр башланды. Төзелеш-монтаж эшләре 6% тәшкил итә.
Экология тармагында гидротехник корылмаларны ремонтлау, елга үзәннәрен чистарту һәм күлләрне чистартуның 2 программасы кысаларында 10 объектта эшләр алып барыла (22% үтәлгән).