Татарстанда социаль-мәдәни өлкә объектларында капиталь ремонт эшләре дәвам итә
ТР Төзелеш, архитектура һәм торак-коммуналь хуҗалык министры Марат Айзатуллин Татарстан Хөкүмәте Йортында узган киңәшмәдә республика һәм федераль программалар кысаларында иҗтимагый-мәдәни өлкә объектларына капиталь ремонт барышы турында сөйләде.
Татарстан Рәисе Рөстәм Миңнеханов республиканың барлык районнары белән видеоконференцэлемтә рәвешендә киңәшмә үткәрде. Киңәшмәдә Татарстан Премьер-министры Алексей Песошин да катнашты.
Төзелеш министрлыгы башлыгы әйтүенчә, мәгариф тармагында 185 объектның апрель ахырында 4 балалар бакчасы һәм 3 мәктәп буенча контрактлар төзеләчәк. Май аенда исә, 4 балалар бакчасы, 4 мәктәп һәм 1 тулай торак буенча контрактлар төзү планлаштырыла.
Бүген подрядчылар 11 балалар бакчасын (32 процентка үтәлгән), 24 мәктәп һәм белем бирү үзәген (15 процентка үтәлгән) ремонтлый. Моннан тыш, мәктәпләрдә азык-төлек блокларын ремонтлау буенча зур күләмдә эш планлаштырылган. Хәзерге вакытта шундый 10 объектны ремонтлау башланды.
Урта белем бирү буынында 4 ресурс үзәге (27 процентка үтәлгән) һәм 10 тулай торак (18 процентка үтәлгән) ремонтлана.
Сәламәтлек саклау тармагында 137 объектның 5 стационарын үткәрергә кирәк (шуларның өчесе апрель ахырына кадәр һәм икесе майда контрактка кертеләчәк).
Бүген подрядчылар 65 фельдшер-акушерлык пунктында эшлиләр. Гомумән алганда, программаның үтәлеше 45% тәшкил итә. 20 сырхауханәне ремонтлау буенча эшләр 25% ка башкарылган. Стационарларны ремонтлау буенча эшләр 22% ка башкарылган.
Мәдәният өлкәсендә контрактлар төзү буенча эшләр нәкъ 50% ка башкарылган (24 объектның 12се контрактка кертелгән). 11 авыл мәдәният йорты һәм бер китапханә буенча контрактлар төзеләчәк (апрель ахырында, яисә майда көтелә).
Программага кертелгән биш балалар сәнгать мәктәбен (эш 36% ка тәмамланган) һәм 7 мәдәният оешмасын (23% үтәлгән) ремонтлау дәвам итә.
Яшьләр сәясәте өлкәсендә агымдагы елда 27 объектка капиталь ремонт ясалачак. Подрядчыларның исәбендә 7 балалар лагере бар (башкару 10% тәшкил итә). Яшүсмерләр клубларын ремонтлау программасы 20% ка үтәлгән. Шулай ук 2 яшьләр үзәге буенча эшләр бара.
Гидротехник корылмаларны ремонтлау, елгалар үзәннәрен чистарту һәм экология өлкәсендә гамәлгә ашырыла торган күлләрне чистарту буенча ике программага 21 объект кертелгән. Аларның 10ы эштә (24% үтәлгән).