Татарстанда «Безнең ишегалды» программасы буенча төзелеш эшләре дәвам итә

Бүген ТР Хөкүмәте Йортында узган киңәшмәдә «ТР шәһәрләрен үстерү институты» фонды директоры Наилә Зинатуллина Татарстанда «Безнең ишегалды» программасы ничек тормышка ашырылуы турында хәбәр итте.

Киңәшмәне Татарстан Республикасы Рәисе Рөстәм Миңнеханов барлык муниципаль районнары белән видеоконференцэлемтә режимында уздырды. Киңәшмәдә ТР Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин катнашты.

25 апрельгә Татарстанның 32 районыннан 22сендә, шулай ук Казанда һәм Чаллыда юл эшләре алып барыла. Хәзер бу республика буенча 160 ишегалды. Бу төр эшләрне башкаруның хәзерге күләме 5 процент тәшкил итә, ике атна эчендә динамика 4 процент.

Моннан тыш, тышкы яктыртуны урнаштыру буенча эшләр башланды. Эшләр 11 муниципаль берәмлекнең 143 йортында алып барыла. Башкару 5%, 2 атна эчендә динамика 4%.

Наилә Зинатуллина хәбәр иткәнчә, узган ике атна эчендә «ТР шәһәрләрне үстерү институты» фонды хезмәткәрләре төзекләндерү схемаларын төгәлләштерү өчен республиканың 16 районына барган. Югары Ослан һәм Әгерҗе районнарында ишегаллары территориясендә сүтелмәгән хуҗалык корылмалары кала, бу норматив янгын сүндерү юлларын үтәргә, ә юлчыларга эшкә керешергә мөмкинлек бирми. Ул җирле җаваплылардан 10 майга кадәр территорияне чистартуларын сорый.