«Иң яхшы сметчик» конкурсына гаризалар кабул итү дәвам итә
Конкурс төзелештә бәяләр һәм смета нормалаштыру өлкәсендә иң яхшыларны ачыклый, шулай ук смета эшендә белгечләрнең һөнәри әзерлеген һәм эшчәнлек сыйфатын арттыруга ярдәм итә. Катнашу өчен гаризалар 2024 елның 1 июньенә кадәр кабул ителә.
Конкурс өч этапта үткәрелә. Конкурсның финалы «Төзүчеләр көне» һөнәри бәйрәменә багышланган һәм 2024 елның 22-23 августында Казанда узачак.
Конкурсны Татарстан Республикасы Төзелеш, архитектура һәм торак-коммуналь хуҗалык министрлыгы, Татарстан Республикасы Дәүләт экспертизасы, Россия Баш дәүләт экспертизасының Идел буе филиалы, РосКапСтрой, Татарстан Республикасы Төзүчеләр берлеге, Казан дәүләт архитектура-төзелеш университеты оештыра.
Кирәкле белем һәм җиңү теләге булган һәркем җиңә ала. Шул ук вакытта яшь буенча чикләүләр юк - яшь һәм тәҗрибәле белгечләр катнаша.
Катнашу өчен гариза бланкын биредә тутырырга мөмкин.