Кукмарада урта мәктәпнең башлангыч сыйныфлар өчен бинасының әзерлеге 55 процент тәшкил итә

2024 елның 1 августы, пәнҗешәмбе

Кукмарада «Кукмараның 3 нче урта мәктәбе» муниципаль бюджет гомуми белем бирү учреждениесендә 375 укучыга башлангыч сыйныфлар урнаштыру өчен өч катлы бина төзелә.

Яңа бинада уку сыйныфлары, логопед, туган һәм чит тел кабинетлары, китапханә, спорт залы, ашханә һәм актлар залы барлыкка киләчәк. Хәрәкәт аз булган төркемнәр өчен лифт каралачак.

Бүгенгә объектта  монтажлау, стеналарны салу төгәлләнгән. Эчке инженерлык челтәрләре, тәрәзәләр монтажлана, түбә, бина фасады корыла, бизәү эшләре башкарыла.

Агымдагы елда Татарстан Республикасында барлыгы 11 мәктәп (8 яңа мәктәп һәм 3 өстәмә корпус) төзелә.