ТР Төзелеш министрлыгында Иҗтимагый совет утырышы узды
Бүген Татарстан Республикасы Төзелеш, архитектура һәм ТКХ министрлыгы каршындагы Иҗтимагый совет утырышында ягулык-энергетика комплексы һәм торак-коммуналь хуҗалык оешмаларының узган сезондагы эшенә йомгаклар һәм 2024-2025 елларның җылыту чорына әзерлек буенча бурычлар турында фикер алыштылар. Утырышны Иҗтимагый совет рәисе Ринат Абдуллин алып барды, ТР Төзелеш, архитектура һәм ТКХ министры урынбасары Мәҗит Салихов доклад белән чыгыш ясады.
Узган җылыту чорына анализ ясап, Мәҗит Салихов коммуналь хезмәтләрне туктатуга китергән штаттан тыш хәлләрнең норматив срокларда бетерелүен билгеләп үтте. Су белән тәэмин итү өлкәсендә – 1937, җылылык белән тәэмин итүдә 455 авария булган.
Бүгенге көндә алдагы җылыту чорына әзерлек төгәлләнеп килә. Бүгенге көндә мәгариф учреждениеләре һәм социаль яклау объектлары җылылык җибәрергә әзер.
Утырыш барышында катнашучылар торак-коммуналь хуҗалык өлкәсендәге актуаль мәсьәләләр буенча да фикер алыштылар.