Дамир Шәйдуллин яңа территорияләр объектларының җылыту чорына әзерлеген бәяләде
Татарстан Республикасы Төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин Луганск Халык Республикасының Лисичанск һәм Рубежное шәһәрләренә эш сәфәре кылды, анда объектларны җылыту чорына әзерләүнең барышы белән танышты.
Бүгенге көндә җылылык җибәрү буенча әзерлек эшләре күп фатирлы йортларда алып барыла. Дамир Шәйдуллин торак фондын җылыту сезонына әзерләүгә җәлеп ителгән Татарстаннан подряд оешмалары белән аралашканда әзерлек эшләрен тәмамлау һәм эшләтеп җибәрү эшләрен башлау буенча тиешле йөкләмәләр бирде.
Эш сәфәре барышында министрның беренче урынбасары шулай ук социаль объектларга капиталь ремонт барышын тикшерде. ТР Премьер-министры урынбасары Фәнил Әһлиуллин белән бергә алар Лисичанскидагы 1 нче спорт мәктәбендә, 1 нче балалар мәктәбендә, 10 нчы катнаш төрдәге «Малютка» ясле-бакчасында, шулай ук Рубежныйдагы 2 нче урта мәктәптә булдылар.