Лаешта «Ак таулар» мәдәни-рекреацион кластерын төзекләндерделәр
Татарстан Республикасы Лаеш муниципаль районында «Ак таулар» мәдәни-рекреацион кластерын төзекләндерү эшләре тәмамланды.
Объект 2023-2024 елларда «Торак һәм шәһәр мохите» илкүләм проектының «Уңайлы шәһәр мохитен формалаштыру» федераль программасы ярдәмендә гамәлгә ашырылды.
Төзекләндерү мәйданы 103 364 кв. метр тәшкил итә.
Хәзер биредә сәхнә, күзәтү манарасы, ярминкә павильоны, эскәмияләр, администратор стойкасы, велопарковка, модульле бәдрәф, чүп савытлары барлыкка килде.
Шулай ук объектта барлык кирәкле коммуникацияләр: салкын һәм кайнар су белән тәэмин итү, канализация, җылылык белән тәэмин итү, газ белән тәэмин итү, энергия белән тәэмин итү үткәрелгән.
Татарстан Республикасында агымдагы елда «Торак һәм шәһәр мохите» илкүләм проектының «Уңайлы шәһәр мохитен формалаштыру» федераль программасы буенча 64 җәмәгать урынын төзекләндерү планлаштырылган. Бүгенге көндә төзелеш-монтаж эшләренең гомуми үтәлеше 90% тан артык тәшкил итә.
«Торак һәм шәһәр мохите» илкүләм проектының төп максатларыннан берсе - шәһәр мохитенең уңайлылыгын арттыру, уңайлы шәһәр мохитен булдыруда гражданнарның турыдан-туры катнашу механизмын булдыру.