Марат Айзатуллин инженерлык инфраструктурасын модернизацияләү турында хәбәр итте
Республика һәм федераль программалар буенча инженерлык инфраструктурасын модернизацияләү турында Хөкүмәт Йортында узган шимбә киңәшмәсендә ТР Төзелеш, архитектура һәм ТКХ министры Марат Айзатуллин сөйләде.
Биш республика һәм 2 федераль программа кысаларында республиканың инженерлык инфраструктурасын модернизацияләү дәвам итә.
Халыкны эчәр су белән тәэмин итү буенча республика программасы 96% ка үтәлгән. Узган ике атнада 6 муниципалитетта 6 объектта эшләр төгәлләнгән.
Су агызу системалары челтәрләрен һәм корылмаларын төзү, реконструкцияләү программасы гомуми күләмнең 88% үтәлгән. Бу атнада подрядчылар 5 муниципаль районда 5 объектны тапшырдылар.
Коммуналь инфраструктураны модернизацияләү федераль программасы буенча Казанда бер объект эштә кала, аның үтәлеше 60% тәшкил итә. Узган ике атнада Казанның 5 объектында эшләр төгәлләнгән.