Балтач районында «Романтик» балаларны савыктыру лагерена капиталь ремонт ясалды

2024 елның 20 ноябре, чәршәмбе

Татарстан Республикасы Балтач муниципаль районында «Романтик балалар җәйге савыктыру лагере» МБУ бинасына капиталь ремонтның беренче этабы төгәлләнде.

Быел лагерьның биш корпусы яңартылган. Планда тагын җиде корпус, медицина пункты һәм спорт мәйданчыклары төзү тора. Клуб һәм ашханә дә реконструкцияләнергә тиеш.

Эшләр тәмамланганнан соң, лагерь бер сменада йөздән артык бала һәм яшүсмерне кабул итәчәк. Моннан тыш, язгы һәм көзге мәктәп каникул вакытында сменалар оештыру мөмкинлеге барлыкка киләчәк.

Капиталь ремонт балалар сәламәтләндерү лагерьларын яңарту буенча республика программасы кысаларында башкарыла.