25 декабрьдә «Россия чыршылары» Бөтенроссия конкурсы башлана
«Уңайлы шәһәр мохитен формалаштыру» федераль проекты буенча төзекләндерелгән җәмәгать урыннары «Россия чыршылары» Бөтенроссия конкурсында катнашачак.
Конкурс 2024 елның 25 декабреннән 2025 елның 13 гыйнварына кадәр дәвам итәчәк. Аның төп максаты-территорияләрне төзекләндерү һәм уңайлы шәһәр мохите булдыру, мәдәни кыйммәтләрне саклау һәм патриотизм тәрбияләү мәсьәләләренә күбрәк кешеләрне җәлеп итү.
9-11 гыйнвар көннәрендә «ГородаМеняютсяДляНас» ВКонтакте социаль челтәрендә федераль проектның рәсми төркемендә (https://vk.com/clubfkgs) «Россия чыршысы»н сайлау буенча ачык онлайн тавыш бирү узачак. Беренче 10 урынны алган төбәкләр кыйммәтле призлар алачак.
Конкурсны Россия Төзелеш министрлыгы «Территорияләрне һәм уңайлы шәһәр мохитен үстерү проектларын эшләүчеләр ассоциациясе» АНО, «Креатив икътисад» АНО, ВАРМСУ, «Fashion Hub» ресурс үзәге һәм Россия Федерациясе Президенты Администрациясе ярдәмендә Россия парклары ассоциациясе белән берлектә оештыра.
Конкурсның барышы турында төп мәгълүмат Россия Төзелеш министрлыгының рәсми ресурсларында урнаштырылачак.