Татарстанда 64 җәмәгать урынын төзекләндерделәр
Татарстанда «Торак һәм шәһәр мохите» илкүләм проектына кергән 40 объекттан, Бөтенроссия конкурсында җиңгән ике объекттан һәм республика программасына кергән 22 объекттан торган җәмәгать урыннарын төзекләндерү программасын тулысынча төгәлләделәр. Узган 2 атна эчендә подрядчылар Яр Чаллы шәһәрендәге соңгы объект – парк буенча эшләрне тәмамлады. Шул рәвешле, агымдагы елда 64 җәмәгать урыны төзекләндерелде. Эшләр республиканың барлык муниципалитетларына да кагылды. Бу хакта Татарстан Республикасы Төзелеш, архитектура һәм торак-коммуналь хуҗалык министры Марат Айзатуллин Татарстан Республикасы Министрлар Кабинетында узган республика киңәшмәсендә сөйләде.
Мәгариф учреждениеләреннән бүгенге көндә Кукмара районында башлангыч сыйныфлар бинасы буенча төзелеш-монтаж эшләре дәвам итә, биредә 81% эш башкарылган. 3 балалар бакчасы төзелә, шуларның 2се 2025 елда төзеләчәк – Апас һәм Лаеш районнарында. Ел ахырына кадәр Питрәч районында төзелеш-монтаж эшләрен төгәлләү планлаштырыла, аның әзерлеге 91% тәшкил итә.
«Сәламәтлек саклау» тармагы буенча 4 федераль һәм республика программасы кысаларында төзелә торган 53 объектның 63% ы Саба районында кан тамырлары үзәге эшләнә. Объект шулай ук киләсе елга күчә. Узган ике атнада подрядчылар Түбән Камада һәм Казанда ике объектта эшләрне төгәлләделәр.
Киләсе блок – спорт тармагы. Биредә 3 федераль һәм республика программасына кергән 22 объектның берсе - Казанда «Физик культура һәм спортны үстерү» дәүләт программасы буенча төзелә торган һәм 2025 елга килешү буенча күчә торган футболны үстерү үзәге эштә кала. Аның буенча үтәлеш 16% тәшкил итә.
Бу атнада подрядчылар Апаста «Авыл территорияләрен комплекслы үстерү» дәүләт программасы кысаларында футбол кырының административ бинасын файдалануга тапшырдылар. Шулай ук ябык футбол манежлары төзү буенча республика программасы төгәлләнгән – узган ике атнада Аксубай һәм Сарман районнарында соңгы ике объект файдалануга тапшырылган.
Яшьләр сәясәте буенча Лаеш, Баулы һәм Сарман районнарында 7 объекттан 3 балаларны савыктыру лагерен ремонтлау дәвам итә. Бүгенгә программа буенча гомуми үтәлеш 94% тәшкил итә. Балык Бистәсендә «Авыл территорияләренең хәзерге йөзе» федераль проекты буенча төзелә торган яшьләр үзәге 93% ка әзер. Бу объект киләсе елга калачак.
«Экология» илкүләм проекты буенча өч объектның берсе эштә кала – ләм кырларын рекультивацияләү, ул 88% ка тәмамланган. Объект шулай ук 2025 елга күчә.