Түбән Кама район хастаханәсенең акушерлык корпусына капиталь ремонт ясау төгәлләнә

2025 елның 14 феврале, җомга

Түбән Камада перинаталь үзәге булган район хастаханәсенең акушерлык корпусына капиталь ремонт ясау төгәлләнеп килә.

Акушерлык корпусы Менделеев урамында урнашкан. Гомуми мәйданы 4 490 кв. м булган бу дүрт катлы бина 120 урынга исәпләнгән.

Белгечләр эчке һәм фасад эшләрен башкаралар, сантехник җиһазлар урнаштыралар. Объектның оператив әзерлек проценты 92% тәшкил итә.