Капремонт буенча иң зур эшләр мәгариф өлкәсендә планлаштырылган – 213 объект яңартылачак

Бүген Татарстан Республикасы Хөкүмәте Йортында узган киңәшмәдә ТР Төзелеш, архитектура һәм ТКХ министры Марат Айзатуллин гидротехник корылмаларны, күпфатирлы йортларны һәм социаль-мәдәни өлкә объектларын ремонтлау буенча республика һәм федераль программаларның гамәлгә ашырылуы турында хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.

Гадәттәгечә мәгариф өлкәсе иң масштаблылардан санала-быел аңа керә торган ремонтлана торган объектлар саны 213 тәшкил итә. Башкарылган төзелеш-монтаж эшләре күләме өлешендә вәзгыять түбәндәгечә. Гомуми белем бирү оешмаларын ремонтлау буенча эшләр 15% ка башкарылган. Мәктәпләрдә функциональ зоналарны ремонтлау тәмамлануга якынлаша-подрядчылар 86% үтәлеш турында хисап тоталар. Өч районда урнашкан өч объект узган ике атнада тапшырылган.

Азык-төлек блокларын ремонтлау эшләре башланды. Бүген подрядчылар 5 объектта эшли. Калган 69 объект буенча эшкә июнь башында керешү планлаштырыла.

Быел төзекләндерелергә тиешле 11 балалар бакчасының 9ында эшләр алып барыла. Гомуми күләмнең 13% ы үтәлгән. Калган ике объект буенча апрель азагында керешәчәкләр.

7 ресурс үзәгендә ремонт эшләре актив алып барыла. Зәйдә тагын бер объект буенча эшкә апрель азагына кадәр керешү планлаштырыла. Гомуми үтәлеш 18% дип бәяләнә.

Тулай торакларны ремонтлау 9% ка үтәлгән: эшләр өч объектта алып барыла. Соңгысы буенча (Кукмара районында) эшкә 14 апрельдән керешәчәкләр.

Сәламәтлек саклауда капиталь ремонт программаларына 226 объект кертелгән. Шуларның 117се-фельдшер-акушерлык пунктлары: подрядчылар 68 объектта эшли. Калган 40 объектны апрель урталарында эшләтеп җибәрү планлаштырыла. Программаның гомуми үтәлеше 34% тәшкил итә. Агымдагы атнада 4 муниципалитетта 9 объект буенча эшләр төгәлләнгән.

Яңа республика программасында балаларга сөт ризыкларын таратуның 56 пунктын ремонтлау каралган. 38 шундый объектны подрядчылар эшкә алган. Бүгенгә алар планлаштырган күләмнең 14%  үтәгән. Калган 18 объект буенча апрель ахырына кадәр эш башланачак.

Капиталь ремонт быел планлаштырылган 19 стационарның 15ен ремонтлауга керешкәннәр. Әлегә стартта эшләр 9% тәшкил итә. Калган 4 объект буенча подрядчылар шулай ук апрель азагына кадәр керешергә планлаштыралар.

Узган ике атнада күзәтелгән яхшы динамика нәтиҗәсендә участок хастаханәләрен һәм амбулаторияләрне ремонтлау буенча төзелеш-монтаж эшләре 16% ка җитте. 16 объект ремонтлана. Саба районында соңгы объект буенча эш апрель урталарында башланачак. 14 поликлиника буенча да эшләр 13% ка башкарылган. Калган өчесе буенча - эшкә апрель ахырына кадәр керешәчәкләр.

«Мәдәният» тармагы буенча республика һәм федераль программаларга 27 объект кертелгән. Аларның зур өлешен авыл мәдәният йортлары тәшкил итә. Алар буенча гомуми үтәлеш 28% дип бәяләнә. Тармак мәгариф учреждениеләре буенча подрядчылар тарафыннан гомуми эш күләменең 37% ы ябылган. Өлкәнең калган объектларына килгәндә, подряд оешмалары аларның өчесенә керде. Тагын икесе буенча апрель ахырына кадәр эшкә керешәчәкләр.

«Яшьләр сәясәте» өлкәсендә 34 объект. Балаларны савыктыру лагерьларын ремонтлау программасы буенча үтәлеш 17% тәшкил итә - 10 объект ремонтның актив фазасында тора. Калган икесенә апрель ахырына кадәр керешү планлаштырыла. Бу атнада Ютазы районындагы «Дубравушка» лагереның азык-төлек блогы бинасында эшләр төгәлләнде.

Подрядчылар быел ремонтлау планлаштырылган 4 яшүсмерләр клубында да эшлиләр. Бүгенгә үтәлешнең 15% ы бар.

Психологик-педагогик ярдәм үзәкләрен капиталь ремонтлау республика программасына 9 объект кертелгән. Эшләр шуның 7сендә бара. Тагын икесенә апрель ахырына кадәр керешәчәкләр. Монда гомуми күләмнең 18% ы үтәлгән. Һәм 7 яшьләр үзәге буенча программа чараларының гомуми үтәлеше 19% тәшкил итә. Чүпрәле районындагы соңгы объект буенча апрель ахырына кадәр эш башланачак.

Ремонтлана торган 80 объект Хезмәт, халыкны эш белән тәэмин итү һәм социаль яклау министрлыгына карый. Социаль хезмәт күрсәтү учреждениеләрен ремонтлау программасы 25% ка үтәлгән. 17 объект ремонтның актив фазасында. Калган 13 буенча эшкә җылыту сезоны тәмамланганнан соң керешәчәкләр. Агымдагы атнада Казанда объект төзелеп беткән.

Халыкны эш белән тәэмин итү үзәкләрен ремонтлау эшләренә старт бирелде. Агымдагы үтәлеш - 2%. 19 объектта ремонт эшләре башланган. Калган 30 - подрядчылар апрель уртасында керешәчәк.

«Экология» юнәлеше буенча вәзгыять түбәндәгечә. 22 объектта гидротехник корылмаларны ремонтлау, елга суларын чистарту һәм күлләрне чистарту эшләре башкарылачак. Шуларның дүртесе - Кайбыч, Буа һәм Алабуга муниципаль районнарында – бу атнада тапшырылды. Тагын 10сы подряд оешмаларында эшли. Калган 8 буенча эшләр апрель ахырына кадәр башланачак. Гомумән алганда, программа чаралары 46% ка үтәлгән.

Урманчылыкларның 9 бинасыннан 8сендә капремонт эшләре бара. Чирмешән районында соңгы объект буенча апрель уртасында керешәчәкләр. Гомуми үтәлеш - 37%. Авыл хуҗалыгы министрлыгы карамагындагы 11 бинаны ремонтлау буенча экватор үтте. Хисап чорында Чүпрәле муниципаль районында объект тапшырылган. Спорт министрлыгы линиясе буенча 13 объект ремонтлана. Калган 7се буенча эшкә апрель уртасында керешәчәкләр. Эшләрне башкару күрсәткече – 16%. Янгын сүндерү деполарын ремонтлау эшләре 23% ка бәяләнә. Эшләр 4 объектта алып барыла. Питрәч районында соңгы объект буенча 7 апрельдән башланачак.

Эчке эшләр министрлыгы линиясе буенча узган ике атнада Казанда, Балтач һәм Алабуга районнарында өч объект ремонтланган. Хәзерге вакытта 11 объект ремонтлана. Калган 14 буенча эшләр апрельнең беренче яртысында башланачак. Гомуми үтәлеш - 36%. 

Башкарма комитетларны ремонтлау эшләре 61% ка бәяләнә. Бу күрсәткечкә шул исәптән Зәй районында объектны тапшыру хисабына ирешелгән. 19% - хәрби комиссариатларны ремонтлау. Хәзерге вакытта 18 бинаның 11е ремонтлана. Калган 7 объект буенча эшләр апрель ахыры – май башында башланачак. Ике муниципаль архивны ремонтлау өлешендә дә шундый ук процент бар. Җәмәгать судьяларының ике бинасын ремонтлау эшләре 25% ка җиткән. Росгвардия карамагындагы биналарны ремонтлау программасы 6% ка үтәлгән. Подрядчылар өч объектка кергән. Калган 4 буенча эшләр май аенда башланачак.