«Татарстан Республикасының иң яхшы товарлары һәм хезмәтләре» конкурсында катнашуга гаризалар кабул итү башланды
«Татарстан Республикасының иң яхшы товарлары һәм хезмәтләре» конкурсының оештыру комитеты чираттагы сезонның башлануы турында игълан итте.
Конкурс «Россиянең иң яхшы 100 товары» программасының Бөтенроссия конкурсының төбәк этабы булып тора һәм Татарстан Республикасы Министрлар Кабинетының 26.12.2003 ел, № 1969-р күрсәтмәсе нигезендә гамәлгә куела.
Конкурсның максаты - республика предприятиеләрен җитештерелә торган продукциянең һәм күрсәтелә торган хезмәтләрнең сыйфатын өзлексез яхшыртуга стимуллаштыру.
Анда катнашу белдерелгән товарларның һәм хезмәт күрсәтүләрнең конкурентлыкка сәләтлелегенә бәйсез эксперт бәясен, шулай ук оешманың сыйфат, норматив-метрологик тәэмин итү, куркынычсызлык, ресурслар һәм энергия нәтиҗәлелеге өлкәсендәге заманча таләпләргә туры килү турындагы гомумсистема күзаллауларын алырга мөмкинлек бирә.
Иң яхшы товарлар һәм хезмәтләр турындагы мәгълүмат республиканың әйдәп бара торган массакүләм мәгълүмат чараларында урнаштырыла һәм конкурста җиңүчеләрнең еллык каталогына эләгә, ул Татарстан бизнес-бергәлекләре, министрлыклар һәм ведомстволар арасында таратыла.
«Татарстан Республикасының иң яхшы товарлары һәм хезмәтләре» республика конкурсында җиңүчеләр «Россиянең иң яхшы 100 товары» Бөтенроссия конкурсында катнашу хокукына ия булалар.
Заявкаларны 2025 елның 15 апреленә кадәр «Татарстан ЦСМ» ФБУГА электрон почта аша җибәрергә кирәк best@tatcsm.ru, элемтә өчен телефоннар (843) 233-18-13, 233-18-57.
Конкурста катнашу шартлары һәм кирәкле документлар исемлеге турында тулырак мәгълүмат белән Татарстан ЦСМ ФБУ сайтында конкурс бүлегендә танышырга мөмкин. https://test.tatarstan.ru/bestoftatarstan.htm